न्यूजमधेश सम्बादाता
काठमाडौं ,८ श्रावण। तीजमा व्रत नबसौं, महिला पुरुष दुबै बराबरी भएकाले खुट्टाको पानीसमेत नखायौं भन्दै गीत ल्याएकी गायिका सोफिया थापा यतिबेला विवादमा छिन् ।
उनले दर नखाने, रंगीविरंगी चुरा, सारी, गहना नलगाउन पनि यो गीतमा आह्वान गरेकी छन् । तीजमा व्रत बस्नु सांस्कृतिक मात्र नभएर वैज्ञानिक कारणसमेत भएको बताउने महिलादेखि हिन्दूवादी संस्थाहरूले उनको यो गीतको अहिले विरोध गरेका छन् ।
यो गीतको भिडियो विदेशी पहिरनमा सजिएर, विदेशी शैलीको नृत्य प्रस्तुतसहित तयार गरिएको छ । गीत गर्दै ‘अबको तीज नो नाचगान प्जिल’ भनेर तीजको नृत्यकै विरोधमा तीज गीत ल्याएको र तीज संस्कृतिमाथि प्रहार गरेको भन्दै उनको यो गीतको विरोध भएको हो ।
यो गीत आएसँगै आफूलाई हिन्दूवादी संस्थामा आबद्ध विभिन्न व्यक्तिहरूले ज्यान मार्ने धम्की दिएको गायिका थापाले बताएकी छन् । आफूलाई फोनमा विभिन्न व्यक्तिहरूले र विभिन्न संंस्थाका पदाधिकारीहरूले धम्की दिएपछि उनीहरूविरुद्ध प्रहरीमा उजुरी दिएको गायिका सोफिया थापाले बताएकी छन् । उनले आफ्नो ज्यानको सुरक्षाको माग पनि प्रहरीमा गरेकी छन् ।
उनको यो गीत युट्युब च्यानलबाट हटाउन माग गरिएको छ । गीतको रचना र संगीत पनि सोफियाकै हो । आफूले लैंगिक विभेदण्विरुद्ध जनचेतना जगाउन यो गीत ल्याएको पनि उनले बताएकी छन् । आफूले कुनै गल्ती नगरेकाले गीतलाई युट्युबबाट नहटाउने उनले बताएकी छन् ।
मोटरसाइकलको ठक्करबाट मृत्यु
ओली-प्रचण्डको छलफल आ-आफ्नै अडानमा ‘टसमस’
नक्कली दुई प्रहरी पक्राउ
वीरगञ्जमा कोरोना संक्रमण कसरी फैलियो ?
जनकपुरधामद्वारा ४ जना सहिद परिवारलाई सम्मान गर्दै आर्थिक सहयोग
