अंगद यादव
नवलपरासी पश्चिम ,१० श्रावण । नवलपरासी पश्चिम सुस्ता गाउँपालिकाको वडा नं।(५ रतनगंजमा सशस्त्र प्रहरीले ठुलो परिणाममा भारतबाट अबैध रुपमा ल्याउदै गरेको खसी बरामद गरेको छ ।
भारतबाट अबैधररुपमा लुकाई छिपाई ल्याएर रतनगनंजको एउटा छाप्रोमा राखिएको अवस्थामा प्रहरीले खसिहरुलाई बरामद गरिएको हो । बरामद गरिएका ८५ वटा खसी प्रति खसी २० हजारका दरले १७ लाख बराबर रहेको बताईएको छ ।
सुचनाको आधारमा शसस्त्र प्रहरी बल नेपाल हेडक्वाटर २६ नम्बर गण बेलासपुरबाट शसस्त्र प्रहरी निरक्षक सुमन अधिकारी र शसस्त्र प्रहरी बल अस्थायी पोस्ट बलिनगरका शसस्त्र प्रहरी निरिक्षक धनबहादुर रानाको संयुक्त टोलिले ति खसिहरुलाई नियन्त्रणमा लिएको सशस्त्र प्रहरी बल नेपाल २६ नम्बर गण बेलासपुरका प्रमख भरत खनियाले जानकारी गराए ।
अबैध रुपमा रहेका खसीहरुलाई नियन्त्रणमा लिई आवश्यक कार्यवाहीका लागि भन्सार कार्यालय महेशपुर पठाइएको खनियाले बताएका छन् ।
