मनोज मोरबैता
जनकपुरधाम ,११ श्रावण । डा सीके राउत नेतृत्वको जनमत पार्टी महोत्तरीले जिल्लाको विभिन्न नगरपालिकामा संगठन विस्तार धामधम भैरहेको छ ।
शनिबार भन्हा नगरपालिका वडा नम्बर ६ हतिसर्बामा पार्टीको नगर प्रमुख रितेश कुमार साहको अध्यक्षतामा बसेको बैठकमा संतोष कुमार पासवानको संयोजकत्वमा ३५ सदस्यीय वडा समिति गठन गरिएको छ ।
वडा समितिको सह-संयोजकमा राकेश कुमार यादव ,संचार विभाग प्रमुखमा जितेन्द्र कुमार यादवलाई सर्वसहमतिबाट चयन गरेको छ ।
जनमत पार्टीको केन्द्रीय सदस्य संजय कुमार यादवको विशेष उपस्थितिमा ३५ सदस्यीय वडा समिति विस्तार भएका छन् ।
त्यस्तै गोशाला नगरपालिका वडा नम्बर ४ मा विजय महतोको संयोजकत्वमा २१ सदस्यीय वडा समिति गठन गरिएको छ ।
पार्टीका नेता जीवन त्यागि , पार्टीका गौशाला नगरपालिकाको नगर प्रमुख महेश मण्डल ,ईन्दल मण्डल ,इन्दल मुखिया ,अर्जुन मण्डल ,शुभनारायण रामको उपस्तिथिमा संगठन विस्तार भएको छ ।
