मनोज मोरबैता
जनकपुरधाम ,१२ श्रावण। धनुषाको कमला नगरपालिका वडा नम्बर ४ सघारामा रहेको स्वास्थ्य चौकीमा लामो समयदेखि शौचालय छैन। स्वास्थ्य चौकीमा कार्यालय सहयोगी र खानेपानीसमेत अभाव छ।
शौचालय र खानेपानी नहुँदा कर्मचारी तथा उपचारका लागि आउने बिरामीलाई समस्या भएको स्वास्थ्य चौकीका सहइन्चार्ज राजकिशोर यादवले बताए।
स्वास्थ्य चौकीमा तिन पुरुष र तिन महिला गरि जम्मा ६ जना कर्मचारी कार्यरत छन्।पुरुष शौचका लागि वरपर खुला स्थानमा जाने र महिला कर्मचारीलाई अरूको घरको सहारा लिनुपर्ने बाध्यता रहेको उनले बताए।
समस्याबारे पटकपटक कमला नगरपालिकाका मेयर राम उदगार गोईत र वडाध्यक्ष पल्टु कबारीलाई आग्रह गर्दा पनि कुनै चासो नलिइ मौन बसेको सह ईन्चार्ज यादवले आरोप लगाएको छ।
