मनोज बनैता
सिरहा, १४ श्रावण । नेपाल सुन-चाँदी व्यवसाय महासंघको सिरहा कार्यसमितिले ७औं साधारणसभा धुमधामको साथ सम्पन्न गरेको छ । साधारणसभाले अगामी कार्यकालको लागि सर्वसहमतीले ११ कार्यसमिति सदस्य चयन गरेका छन । प्राप्त जानकारी अनुसार लाहानका चर्चित युवा ब्यापारी बिकाश शारडा निर्विरोध अध्यक्ष पदमा निर्वाचित भएका छन ।
निर्वाचित शारडा लहान सिटि जेसिज का पुर्व अध्यक्ष , जिल्ला उद्योग बाणिज्य संघ लहान का कोषाध्यक्ष तथा नेपाल सुन चाँदी व्यवसाय महासंघ प्रदेश कार्य समिती का प्रदेश सदस्य समेत रहेका छन ।
सिटी जेसिज लाहान २०२० का अध्यक्ष वसन्त साहको अनुसार कलिलो उमेर देखि नै ब्यापारमा आफ्नो छुट्टै नाम सम्मान पाएका शारडा एक कुशल व्यवसायी, असल वक्ता तथा समाजसेवी पनि हुनुहुन्छ । साहले शारडा र उनको टिमलाई निर्विरोध जिताउने सम्पुर्ण सदस्यलाई धन्यवाद समेत दिएका छन । शारडाको स्वच्छ छविले गर्दा समाजिक संजालमा उनलाई बधाई दिनेको ओईरो लागेको छ ।
