मनोज बनैता
सिरहा, १५ श्रावण । जनता समाजवादी पार्टीका नेता विनोद रोहिताले धनुषाको शहिदनगर नगरपालिका भित्र पिसिआर टेस्टको दायरा फराकिलो गर्न जोडदार माग गरेको छ । रोहिताले आफ्नो जन्मभूमि पर्ने शहिद नगरपालिकाका मेयरलाई घर घरमा स्वास्थ परिक्षणमा लाग्न अनुरोध गरेका छन ।
नेता रोहिताले पुनः लकडाउन घोषणा गर्न समेत प्रदेश सरकारसँग माग गरेका छन । प्रदेशमा दिनप्रतिदिन कोरोना संक्रमित थपिदैं गएकोले सम्भावित क्षति रोक्न प्रदेश सरकार र स्थानीय सरकारले चासो देखाउनुपर्ने उनको भनाई रहेको छ ।
शहिदनगर नगरपालिकाकाको ३६ वर्षिय पुरुषको कोरोना संक्रमणवाट मृत्यु भएपछि शहिदनगरका जनता त्रसित बनेको रोहिताको भनाई छ । भेन्टिलेटरको अभावकै कारण उनको मृत्यु हुनु दु:खद हो भन्दै प्रदेश सरकारले अविलम्ब भेन्टिलेटरको व्यवस्था गर्नुपर्ने उनको माग रहेको छ ।
