न्यूजमधेश डेस्क
जनकपुरधाम,१९ श्रावण ।मधेश आन्दोलनको क्रममा सहादत प्राप्त गरेका ४ जना सहिद परिवारलाई जनकपुरधाम उपमहानगरपालिकाले आइतवार सम्मान गर्दै जनही १ लाख २५ हजार आर्थिक  सहयोग गरेको छ ।

विगतदेखि नै जनकपुरधाम उपमहानगरपालिकाका मेयर लालकिसोर साहले उनीहरुलाई १ लाख २५ हजारको दरले आर्थिक सहयोगगर्दै आएका छन् । मधेश आन्दोलन उत्कर्षमा पुगेको बेला चलु जनकपुर, भरु जनकपुर आन्दोलनको क्रममा अधिकारका लागि प्रदर्शनमा उत्रेका युवाहरुलाई प्रहरीले गोली हानेर हत्या गरेको थियो ।

प्रहरीको गोली लागेर वीरगती प्राप्त गर्ने धनुषा जिल्लाका दिलिप यादव, संजय चौधरी, निक्कु यादव र राजेश यादवका परिवारलाई जनही १ लाख २५ हजार रुपैया नगद र दोसल्ला ओढाएर मेयर साहले सम्मान गरेका हुन् ।

कोरोना भाइरसको संक्रमणलाई दृष्टिगतगर्दै मेयर साहले मास्कको प्रयोग र समाजिक दुरीमा विशेष ध्यान दिएका थिए । जनकपुरधाम उपमहानगरपालिकाले वीरगती प्राप्त गरेका योद्धाहरुको सम्मानमा नगरको उत्तरी प्रवेशद्वार मुजेलियामा मिथिला संस्कृति झल्किने भव्यव्दार बनाउन लागेकोछ ।व्दूार निर्माणको कार्य प्रारम्भ भइसकेकोछ ।

नगरको सो द्वार सहिद निकु यादव, संजय चौधरी र दिलिप यादवको शालिक रहनेछ ।उनीहरुको अन्त्येष्टि गरिएकै स्थलसँगै द्वार  निर्माण गर्न लागिएकोछ । मेयर साहले सहिद परिवारलाई आर्थिक सहयोग र विभिन्न कार्यक्रमहरुमा सम्मानगर्दै आएका छन् ।

उपमहानगरपालिकाले निर्माण गर्न लागेको द्वार  मधेश आन्दोलनमा सहादत दिने सबै सहिदको सम्झना हुने आकृती बनाइने जनाएकोछ । कोरोना संक्रमणको बेला सम्पूर्ण आर्थिक गतिबिधि ठप्प रहेको अवस्थामा जनकपुरधाम उपमहानगरपालिकाले गरेको सहयोगबाट ठूलो राहत मिल्ने सहिद परिवारका सदस्यहरुले बताए ।


हाम्रो बारेमा

ताजा र खोजमूलक समाचार, विचार, विश्लेषण र अन्तर्वार्ता निरन्तर सम्प्रेषण गर्दै जानेछ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा कहिल्यै कसैसँग सम्झौता गर्ने छैन ।  अनलाइन पत्रिकाको रुपमा निरन्तर सुचना प्रवाहमा जागरुक रहन्छ ।

हाम्रो समुह

प्रकाशक  :मनोज कुमार मोरबैता
सम्पादक : मनोज बनैता
वरिष्ठ सल्लाकार : बिपी साह
वरिष्ठ सल्लाकार : श्रवण देव
वरिष्ठ सल्लाकार : सन्तोष जादब

सम्पर्क

सम्पर्क कार्यालय :जनकपुरधाम ( भानु चौक )
सम्पर्क : ९८४४५२०३२० ,९८०७७४९०००
ईमेल : [email protected]

Copyright © 2018-2020 News Madhesh