न्यूजमधेश डेस्क
काठमाडौँ ,२८ श्रावण । ललितपुरको ग्वार्कोस्थित किस्ट मेडिकल कलेजमा टेकुकी एक महिलाको मृत्यु भएपछि टेकु क्षेत्र सिल गरिएको छ ।
मंगलबार राति सवा १ बजे उपचारका क्रममा मृत्यु भएकी महिलामा कोरोना पोजेटिभ देखिएपछि टेकुको मुख्य सडकबाहेकको क्षेत्रमा शिल गरिएको काठमाडौँ महानगरपालिका – १२ का वडाअध्यक्ष विकास डंगोलले जानकारी दिए ।
टेकुस्थित चल्खुकी ७८ वर्षीया महिलाको मृत्यु भएपछि चल्खु, ह्यूँमत, ब्रह्म टोल, मिलन मार्ग लगायतका पूरानो वस्ती भएका क्षेत्रमा भदौ ८ गतेसम्मलाई सिल गर्ने निर्णय भएको उनले जानकारी दिए ।
