न्यूजमधेश सम्बादाता
इनरुवा,३१ श्रावण । सुनसरीको भोक्राहा नरसिंह गाउँपालिका वडा नम्बर ७ का एक युवकको हत्या भएको छ। बिहीबारदेखि हराइरहेका २१ वर्षीय गुनराज यादव शव आज फेला परेको हो।
बिहीबारै धारिलो हतियार प्रयोग गरी यादवको हत्या गरेर सुनसरी खोलामा फ्याँकिएको र आज शव बरामद भएको प्रहरीले जनाएको छ।
प्रहरीका अनुसार यादवलाई हत्या गरेर हातखुट्टा डोरीले बाँधेर बोराभित्र ढुङ्गा राखेर शव फ्याँकेको पाइएको छ।
उनको शव इनरुवा र भोक्राहा नरिसंह गाउँपालिका(५ को सीमानामा फेला परेको प्रहरी नायब उपरीक्षक विनोद शर्माले जानकारी दिए। हत्यामा संलग्न भएको आरोपमा ६ जना पक्राउ परेको पनि शर्माले बताए।
