न्यूजमधेश डेस्क
जनकपुरधाम,१३ भदौ।समाजिक कार्यमा लागेको क्लोथ बैंक धनुषाको पहलमा एम्बुलेन्स अभावको समस्या समाधान भएको छ ।
बैंकको पहलमा धनुषाका प्रमुख जिल्ला अधिकारी प्रेम प्रसाद भट्टराई र एम्बुलेन्स चालक संघको उपस्थितीमा भएको वृहत छलफलले कोभिडका विरामीहरुलाई बोक्न एम्बुलेन्स चालकहरु राजी भएका छन् ।
क्लोथ बैंकले सुरक्षाका सम्पुर्ण समाग्रीहरु उपलब्ध गराउने प्रतिवद्वता गरेपछि एम्बुलेन्स चालकहरु मानव कल्याणका लागि एम्बुलेन्समा कोरोनाका संक्रमित समेत बोक्न अब तयार भएका हुन् ।
बैंकले चालकका लागि पिपिई, मास्क, ग्लभ्स, स्यानिटाइजर, फेस हेलमेट सहितका सवै समाग्री उपलब्ध गराउने भएपछि चालकहरु काम गर्न राजी भएको बताए । कोरोना भाइरस विरुद्धको लडाइमा लागेका वैंकको अभियानलाई सार्थक वनाउनका लागि २९ वटा एम्बुलेन्सले सहयोगको प्रतिवद्धता गरेको बैंकका अध्यक्ष राजिव झाले बताए ।
छलफलवाट एम्बुलेन्स समस्या समाधानका लागि एक समिति समेत गठन गरिएको छ । समितिमा रहेको व्यक्तीहरुको सम्पर्क नम्वर समेत जारी गरि कुनै समस्या परे सम्पर्कका लागि अनुरोध गरिएको छ ।
