२५ आषाढ २०८२, बिहिबार
10-07-2025 , Thu
×

सहकारी क्षेत्रलाई प्रविधी मैत्री बनाउन आवयश्क : मन्त्री साह

Logo
प्रकाशित बुधबार, भाद्र १७, २०७७

न्यूजमधेश डेस्क
जनकपुरधाम ,१७ भदौ । प्रदेश २ का भुमि व्यवस्था, कृषि तथा सहकारी मन्त्री शैलेन्द्र प्रसाद साहले सहकारी क्षेत्रलाई प्रविधी मैत्री बनाउन आवयश्क रहेको बताएका छन् ।

सहकारी क्षेत्रलाई प्रबिधीमैत्री बनाउने उद्देश्यले मन्त्रालयले सुरु गरेको कम्प्युटर तथा प्रिन्टर हस्तान्तरण कार्यक्रममा बोल्दै मन्त्री साहले जनतासंग प्रत्यक्ष सरोकार राख्ने सहकारीहरु प्रविधीपुर्ण र मैत्री हुनु आवयश्क रहेको बताए ।

उनले भने, ‘ जनतासंग प्रत्यक्ष सरोकार राख्ने सहकारीहरु जनताको हरेक उन्नती प्रगतीको विवरण (डाटा, हरहिसाव) सुरक्षित तरिकाले राखोस भन्नका लागि यो कार्यक्रम ल्याइएको हो ।’ गत वर्षकै योजनामा रहेको यो कार्यक्रमको सवै प्रक्रिया पुरा भइ कोरोना महामारीको कहरका कारण प्रभावित भएको थियो ।

मंगलवार समाजिक दुरी कायम गर्दै समुदघाटन स्वरुप ७ थान कम्प्युटर र प्रिन्टर वितरण गरिएको छ । भिडभाड नहोस भन्ने उद्देश्यले आज सो कार्यगरि आठवटै जिल्लावाट छनौट भएका एकसय सहकारीहरुलाई एक थान कम्प्युटर सेट र एक थान प्रिन्टर वितरण हुने मन्त्रालयले जनाएको छ ।

यो कार्यक्रम चालु आर्थिक वर्षमा समेत निरन्तर जारी रहने जनाइएको छ ।सो अवसरमा मन्त्रालय निर्वतमान सचिव डाक्टर विमल कुमार निर्मल, मन्त्रालयका कर्मचारीहरु, सहकारीका अगुवाहरु सहितको उपस्थिति थियो ।

कार्यक्रमका संयोजक सहकारी तथा गरिवि निवारण शाखा अधिकृत ओम नारायण झाका अनुसार प्रदेशको आठवटै जिल्लाहरु मध्ये धनुषा को २६, महोत्तरी १२, सिरहा १२, सप्तरी १२, बारा १०, पर्सा ६, रौतहट १० र सर्लाहीको १२ वटा गरि जम्मा एक सय सहकारीहरुलाई एक÷एक थान कम्प्युटर र प्रिन्टर वितरण गरिने छ ।

कमेन्ट गर्नुहोस्
सम्बन्धित

सिराहा जिल्लाको धनगढीमाई नगरपालिका वडा नं. ८ ले हालै प्रकाशित २०८१ सालको SEE परीक्षाको नतिजा अनुसार श्री जनता माध्यमिक विद्यालय, कासहा बाट उत्तीर्ण भएका विद्यार्थीहरूलाई एक भव्य समारोहका बीच सम्मान गरेको छ। कार्यक्रमको उद्देश्य सामुदायिक विद्यालयप्रति समाजमा व्याप्त नकारात्मक सोचलाई हटाउँदै, सार्वजनिक विद्यालयलाई गुणस्तरीय शिक्षाको केन्द्र बनाउने रहेको बताइएको छ। सम्मान कार्यक्रममा सहभागी विद्यार्थीहरूलाई खादा, […]

सिराहा, औरही — औरही गाउँपालिकाले प्रत्येक आर्थिक वर्षमा दर्जनौं मोबाइल फोनहरू खरिद गरी जनताको करको पैसा अनावश्यक रूपमा खर्च गर्दै आएको तथ्य सार्वजनिक भएको छ। हालै सार्वजनिक भएको आर्थिक वर्ष २०८०/८१ को महालेखा परीक्षण प्रतिवेदनअनुसार गाउँपालिकाले ७ थान मोबाइल फोन खरिदमा ७,३०,२०९ रुपैयाँ खर्च गरेको देखिन्छ, जुन स्थानीय सरकार सञ्चालन ऐन, २०७४ र आर्थिक कार्यविधि […]

सिरहा,१८ चैत्र: सिराहाको बरियारपट्टी गाउँपालिका वडा न.२ खोकसीमा कृष्ण मन्दिर निर्माण तथा भवन निर्माण कार्यको शिलान्यास भएको छ। आज एक कार्यक्रम बीच सिराहा निर्वाचन क्षेत्र नम्बर २ ( १ ) बाट निर्वाचित मधेस प्रदेश सांसद तथा भुपु भूमि व्यवस्था तथा कृषि राज्यमन्त्री संजय कुमार यादव द्वारा शिलानास भएको हो। मधेस प्रदेश सरकारको उद्योग , बाणिज्य […]