न्यूजमधेश डेस्क
जकपुरधाम,२१ भदौ । गोपाल युवा समितिले स्थानीय तहमा संगठन विस्तार गर्ने भएको छ । शनिबार बसेको समितिको बैठकले पहिलो चरणमा धनुषा र महोत्तरी जिल्लाका नगरपालिका र गाउँपालिकामा संगठन विस्तार गर्ने निर्णय गरेको हो ।
संगठन विस्तारको लागि वातावरण तयार गर्न जिम्मेवारी समेत तोकिएको छ । समितिका अध्यक्ष बैजनाथ यादवको अध्यक्षतामा बसेको बैठकले पदाधिकारी सम्मिलित विधान मस्यौदा समिति गठन गरेको छ । महेश यादव, नविन यादव, कृष्ण कुमार यादव, कपिल यादव र कानून व्यवसायी दिपेन्द्र यादव विधान मस्यौदा समितिमा रहेका छन् ।
समितिका अध्यक्षसहित पदाधिकारीहरु समेत मस्यौदा समितिमा रह्ने सचिव ललित यादवले जनाए । यादवका अनुसार मस्यौदा समितिले गोपाल युवा समितिको लागि विधान तयार गरेर दर्ताको प्रक्रियालाई अगाडी बढाउन सहयोग गर्ने छन् । बैठकमा सहभागी युवाहरुले अन्यायमा परेका समुदायलाई न्यायको लागि सक्रिय भूमिका निर्वाह गर्नुपर्नेमा जोड दिए ।
समाजमा बढ्दो विकृती र गुण्डागर्दी विरुद्ध समितिले आवश्यक कदम अगाडी बढाउनेमा युवाहरुले जोड दिए । अन्यायमा परेका समुदाय, समाजिक सद्भाव खलबलाउने कार्य गर्ने उच्छश्रृंखल व्यक्ती विरुद्ध अभियान नै चलाउनुपरे पछि नहट्ने उपाध्यक्ष रमेश यादवले बताए ।
बैठकले १ सय १ सदस्यीय तदर्थ समितिलाई समेत विस्तार गरेको छ । शनिबार बसेको बैठकले २ सय जना सदस्य थप गरेर तदर्थ समितिलाई ३ सय १ पुर् याएको अध्यक्ष यादवले जनाए ।
सयौको संख्यामा सहभागी युवाहरुले यादव समुदायमाथि भइरहेको प्रहार विरुद्ध एकजुट भएर अघि बढुनुपर्नेमा जोड दिएका थिए । बैठकमा शेष नारायण यादव, जीतेन्द्र कुमार यादव, बजरंग यादव, रामकृष्ण यादव(सचिन), रामपुकार यादव, विक्रम यादव लगायतको उपस्थिति रहेको थियो ।
राजश्व परामर्श समितिले काम थाल्यो