न्यूजमधेश डेस्क
सिरहा ,२६ भदौ । लकडाउनका कारण आफ्नो क्षेत्रका श्रमिक तथा विपन्नहरुका लागि आगामी दुई महिना कठिन हुने देखे पछि चर्चित युवा पत्रकार बिपी साहले ‘कोही भोकै बस्नु पर्दैन’ अभियान चलाएका छन् । आगामी दुई महिनासम्म धनुषाको विभिन्न क्षेत्रका कसैलाई पनि अभावले भोकै बस्न नदिने प्रण लिदै साहले उक्त अभियान थालेका हुन ।
भदौ २४ मा आफ्नो जन्मदिनको अवसरमा पत्रकार साहले जो कोही पनि भोकले ज्यान नगुमाओस भन्दै अभियानको शुरूवात गरेको उनको निकटतम स्रोतले बताए । विभिन्न काल खण्डमा पत्रकार साह आफ्नो समाजसेवी क्रियाकलापले चर्चामा रहने गरेको छ । मास मिडियामा स्नातकोत्तर गरेको पत्रकार साह, कानुन तर्फ एलएलबी पनि गरेका छन ।
साहले आफ्नो अभियानमा कसैले साथ दिन चाहे उनलाई स्वागत रहेको समाजिक संजाल मार्फत सार्वजनिक गरेका छन भने उता अभियानको जानकारी गराउदै गाउँघर घुम्दै सहयोग गर्ने स्वास्थ्यकर्मी प्रदिप महतो, व्यापारी संतोष यादव, शेखर लगायतका सहयोगीहरुलाइ धन्यवाद दिएका छन ।
राजश्व परामर्श समितिले काम थाल्यो