न्यूजमधेश डेस्क
जनकपुरधाम,२६ भदौ। जनकपुरधाम उप–महानगरपालिकामा शुक्रवार सर्वपक्षिय बैठक सम्पन्न भएको छ । छाडा गाईबस्तु नियन्त्रण तथा सडकमा निर्माण सामग्रीलाई नियन्त्रण सम्वन्धमा शुक्रवार बैठक बोलाइएको थियो ।
जनकपुरधाम उप–महानगरपालिकाका प्रमुख लाल किशोर साहको अध्यक्षतामा सम्पन्न बैठकवाट विभिन्न संघ संस्थाहरुलाई बोलाई परामर्श गर्ने तथा यस विषयमा छिटो भन्दा छिटो कदम उठाउनुपर्ने माग रिएको थियो ।
बैठकमा जनकपुरधाम उद्योग बाणिज्य संघका महासचिव जितेन्द्र प्रसाद साह, चेम्वर अफ कमर्शका वरिष्ठ उपाध्यक्ष सरोजकुमार मिश्र, ट्राफिक प्रहरी प्रमुख तथा विभिन्न निकायहरुवाट उपस्थिति भएको थियो ।
वैठकमा सहभागीहरुले छाडा गाईबस्तु नियन्त्रण गर्नकालागि विभिन्न समयमा अभियान चलाइएपनि पछि त्यो अभियान निश्कृय भई पुरानै अवस्थामा जाने भएकाले सो नियन्त्रण अभियानलाई सधै भरि जागरुक भई काम गर्न आग्रह गरेका थिए ।
जनकपुरधाममा सडकमा निर्माण समग्री राख्ने परिपाटि विस्तारै विस्तारै बढ्दै गएको हुनाले यसलाई पनि नियन्त्रण गर्न उप – महानगरपालिकालाई कठोर भई लाग्नकालागि सहभागीह रुले आग्रह गरेका थिए ।
सो कार्यक्रममा जनकपुरधाम उप–महानगरपालिकाका वरिष्ठ इन्जिनियर वीरेन्द्रकुमार यादवले सडकमा निर्माण सामग्री राख्दा र सडकमा घरमा जानकालागि सिमेन्टले बनाइएकोले बर्षा याममा सडकमै पानी जम्ने र विस्तारै विस्तारै कमजोर हुने गरेको टिप्पणी सहितका सुझाव दिएका थिए ।
