०५ फाल्गुण २०८१, मंगलबार
18-02-2025 , Tue
×

सातवटै प्रदेशमा प्रशिक्षण केन्द्र

Logo
प्रकाशित मंगलबार, आश्विन १३, २०७७

न्यूजमधेश डेस्क
काठमाडौँ, १३ असोज। सङ्घीय मामिला तथा सामान्य प्रशासन मन्त्रालयले स्थानीय विकास प्रशिक्षण प्रतिष्ठानका क्षेत्रीय कार्यालय प्रदेश सरकारलाई हस्तान्तरण गरेको छ ।

मन्त्रालयका सहसचिव डा. गोपीकृष्ण खनालले क्षेत्रीय प्रशिक्षण केन्द्रका भवन लगायत अन्य संरचना र जिन्सी सामाग्री सम्वन्धित प्रदेशलाई हस्तान्तरण गरिएको जानकारी दिनुभयो ।

उहाँका अनुसार प्रदेश नंं १ लाई ग्रामीण विकास प्रशिक्षण केन्द्र झापा, प्रदेश नंं २ लाई ग्रामीण विकास प्रशिक्षण केन्द्र जनकपुर, वागमती प्रदेशलाई ग्रामीण विकास प्रशिक्षण केन्द्र ललितपुर, गण्डकी प्रदेशलाई नगरविकास प्रशिक्षण केन्द्र वगर पोखरा, प्रदेश नं. ५ लाई ग्रामीण विकास प्रशिक्षण केन्द्र नेपालगञ्ज, कर्णाली प्रदेशलाई महिला विकास प्रशिक्षण केन्द्र सुर्खेत र सुदूरपश्चिम प्रदेशलाई ग्रामीण विकास प्रशिक्षण केन्द्र हस्तान्तरण गरिएको छ ।

गत फागुन ५ गते बसेको मन्त्रिपरिषद् बैठकले क्षेत्रीय प्रशिक्षण केन्द्रलाई सम्बन्धित प्रदेश र प्रदेश भित्रका स्थानीय तहको क्षमता विकासमा उपयोग गर्ने गरी सम्बन्धित प्रदेशमा हस्तान्तरण गर्ने निर्णय गरेको थियो ।

उहाँले हस्तान्तरित गरिएका केन्द्रबाट नै प्रदेश तथा स्थानीय शासन सहयोग कार्यक्रम मार्फत प्रदेश तथा स्थानीय तहका जनशक्तिको क्षमता विकासका कार्यक्रम सञ्चालन हुने जानकारी दिनुभयो ।

यसैगरी हस्तान्तरित कार्यालयबाट नै प्रदेश तथा प्रदेशभित्रका स्थानीय तहको सेवा प्रवाह तथा विकास निर्माणका कार्यलाई प्रभावकारी बनाउने गरी नियमित प्रशिक्षण तथा अनुसन्धानका काम सञ्चालन गरिने छ ।

सरकारले तत्कालिन स्थानीय निकायको प्रशासकीय तथा व्यवस्थापकीय दक्षता अभिवृद्धि गर्ने उद्देश्यले २०५० सालमा स्थानीय विकास प्रशिक्षण प्रतिष्ठान स्थापना गरेको थियो ।

कमेन्ट गर्नुहोस्
सम्बन्धित

जनकपुर: सत्तारूढ जनमत पार्टीका मधेश प्रदेश सांसद शम्भु साहले हाम्रो राजनीति स्कुलिङ् ललिता निवास काण्ड , वाईडवडी काण्ड , भुटानी शरणार्थी काण्ड , सुन काण्ड गर्ने जस्ता नेताहरुबाट नभएको बताएका छन्। शुक्रबार बसेको प्रदेश सभा बैठकमा बोल्दै सांसद साहले काङ्ग्रेस नेता तथा संसदीय दलका नेता मा. कृष्णा यादवलाई जवाफ तेर्साएका थिए । उनी अस्ति बसेको […]

सिरहा : सिरहाको औरही गाउँपालिका वार्ड न.२ तुलसीपुरमा सडक ढलान कार्यको शिलान्यास भएको छ। सिरहा निर्वाचन क्षेत्र न.२ (१) का प्रदेश सांसद माननीय संजय कुमार यादवले शिलान्यास गरेक हो। शहरी बिकास मन्त्रालय अन्तर्गत सघन शहरी तथा भवन निर्माण आयोजना सप्तरी बाट संचालन हुने उक्त योजनाको ठेक्का श्री सरोन एण्ड ब्रदर्श कन्ट्रक्सन लहानले लिएको छ। ठेक्का […]

जनकपुरधाम । बाराको पञ्चवर्षीय मेलाबाट सिरहा फर्किन लागेको स्कार्पियो मध्यराति रौतहटको चन्द्रनिगाहपुरमा दुर्घटना भएपछि आठ जनाको मृत्यु भएको छ । नम्बर खुल्न नसकेको स्कार्पियो चन्द्रनिगाहपुर ४ स्थित पूर्वपश्चिम राजमार्गमै रुखमा ठोक्किएर दुर्घटना भएको हो । गाडीमा सवार ८ जनाको घटनास्थलमै मृत्यु भएको र अन्य केहि घाइते भएको रौतहटका प्रहरी प्रमुख एसपी दिलीप घिमिरेले जानकारी दिए […]