न्यूजमधेश डेस्क
जनकपुरधाम ,६ कार्तिक । गत छ महिनाको अवधिमा देशभर एक हजार ६७३ वटा महिला तथा बालिकामाथि लैङ्गिक विभेदमा आधारित हिंसा भएको एक गैरसरकारी संस्थाको अभिलेखले देखाएको छ ।
महिला पुनःस्थापना केन्द्र ओरेकको अभिलेखमा यीमध्ये ९० प्रतिशत घटना प्रभावितको आफ्नै समुदाय र परिवारमा भएको छ ।
उक्त तथ्याङ्कका आधारमा सो अवधिमा ४४ सामूहिक बलात्कारसहित ३६७ वटा २२ प्रतिशत बलात्कारको घटना छ ।
यसैगरी ८२५ वटा ४९ प्रतिशत घरेलु हिंसाको घटना भएको छ भने १६ वटा १० प्रतिशत सामाजिक हिंसाको घटना, ७१ वटा ४ प्रतिशत हत्याको घटना, ५१ वटा ३ प्रतिशत बलात्कारको प्रयासका घटना सङ्कलन भएका छन् ।
साथै १८ वटा १ प्रतिशत मानव बेचविखन, ७६ वटा ५ प्रतिशत यौन दुव्र्यवहार, ६१ वटा ४ प्रतिशत आत्महत्याका घटना र ३१ वटा अन्य २ प्रतिशत घटना भएको ओरेकले जनाएको छ ।
