न्यूजमधेश डेस्क
जनकपुरधाम ,९ कार्तिक । हुलाकी राजमार्ग सडक अन्तर्गत धनुषाको कमला नगरपालिका २ स्थित मोटरसाइकलको ठक्करबाट एक जनाको घटना स्थलमै मृत्यु भएको छ ।
मोटरसाइकल ठक्करबाट कमला नगरपालिका २ माचीका ५६ वर्षीय गोपाल यादवको मृत्यु भएको ईलाका प्रहरी कार्यालय खजुरीका प्रहरी नीरिक्षक हिरेन्द्र रोकियाले बताए ।
पश्चिमबाट पूर्व तर्फ जादै गरेको प्रदेश–२–०२–००१ त ३१२६ नम्बरको मोटरसाईकलले यादवलाई ठक्कर दिएपछि उनको घटनास्थलमै मृत्यु भएको छ ।
प्रहरी नीरिक्षक रोकियाका अनुसार मोटरसाइकल चालकले ठक्कर दिएर फरार भएको छ भने मोटरसाईकलको अगाडीको भाईजर र नम्बर प्लेट फुटेर घटनास्थलमा खसेपछि स्थानीयहरुले देखेको थियो ।
सोही मोटरसाईकल नम्बरको आधारमा सो मोटरसाईकल धनुषाको बिदेह नगरपालिका ५ मुडिबाको रहेको स्थानीयले बताउनुभयो। मोटरसाईकलमा पछाडी सबार रहेका अन्दाजी बर्ष ४५ का सुजित मण्डल समेत गम्भिर घाईते भएका छन् ।
ठक्कर दिएपछि पछाडी बसेका मण्डललाई पनि छाडेर चालक मोटरसाईकल लिएर भागेको छ ।
