न्यूजमधेश डेस्क
जनकपुरधाम,३० कार्तिक । धनुषाको कमला नगरपालिकामा नगर स्तरीय कमला युवा संजाल गठन गरिएको छ ।
आइतबार कमला नगरपालिका ४ सघारा स्थित दुर्गा मन्दिरमा मनोज मोरबैताको अध्यक्षतामा बसेको बैठकबाट सर्वसहमतिले १३ सदस्यीय कमला युवा संजाल गठन भएको छ ।
सो युवा संजालको अध्यक्षमा बिमलेश यादव ,उपाध्यक्षमा मनोज मोरबैता ,कोषाध्यक्षमा इसराफिल अन्सारी,महासचिवमा चन्द्रदीप कुमार यादव ,सचिवमा बिबेक मोरबैता ,सहसचिवमा श्री नारायण मुखिया रहेको छ ।
त्यस्तै सदस्यीयमा जागेश कामत ,ओम शंकर शर्मा ,संजित कुमार यादव,रबिन्द्र यादव ,ओमेन्द्र कुमार यादव ,रोशन मण्डल र लक्ष्मी साह रहेको संजालका सचिव बिबेक मोरबैताले बताए ।
उक्त बैठकमा कमला नगरपालिकाका प्रत्येक वडाका युवाहरुको सहभागीता रहेको थियो ।
