न्यूजमधेश डेस्क
जनकपुरधाम ,१२ मंसिर । मुख्यमन्त्री लालबाबु राउतले सरुवारोग तथा महामारी नियन्त्रण अस्पताल र ट्रमा सेन्टर निर्माण हुने स्थलको आज निरीक्षण गर्नुभएको छ ।

बाराको कलैया उपमहानगरपालिका–१६ झिटकैयामा ५० शय्याको सरुवारोग तथा महामारी नियन्त्रण अस्पताल र बाराकै पथलैयास्थित प्रादेशिक स्वास्थ्य तालीम केन्द्रमा ट्रमा सेन्टर निर्माण गर्ने नीतिअनुरुप सो स्थलको निरीक्षण कार्य गरिएको मुख्यमन्त्री तथा मन्त्रिपरिषद्को सचिवालयले जनाएको छ ।

सरुवारोग अस्पतालका लागि कलैया उपमहानगरले सात विघा जग्गा प्रदेश सरकारलाई हस्तान्तरण गर्ने भएको छ भने पथलैयास्थित स्वास्थ्य तालीम केन्द्र प्रदेश सरकारकै मातहतमा रहेको छ ।

सो अवसरमा मुख्यमन्त्री राउतले प्रदेश सरकार सरुवारोग तथा ट्रमा सेन्टरको निर्माण कार्यलाई आफ्नो नीति तथा कार्यक्रममै राखेर बजेटसमेत विनियोजन गरिसकेको बताउनुभयो । उहाँले सङ्घीय सरकारले समेत सहयोग गर्ने भएपछि दुवै अस्पतालको निर्माण कार्य चाँडै शुरु हुने जानकारी गराउनुभयो । उहाँले यी दुवै अस्पताल प्रदेशको गौरवको योजनाको रुपमा रहने र यसले यस क्षेत्रका बासिन्दामात्र नभई प्रदेशनै लाभान्वित हुने विश्वास प्रकट गर्नुभयो ।

सो निरीक्षण टोलीमा मुख्यमन्त्री राउतका साथै सांसदद्वय रामसहायप्रसाद यादव र रामबाबु यादव, प्रदेशसभा सदस्यहरु पारस साह, बच्चा यादव, ज्वाला साह, सुन्दर विश्वकर्मा र सामाजिक विकास मन्त्रालयका सचिवलगायतका पदाधिकारीहरुको सहभागिता रहेको थियो ।


हाम्रो बारेमा

ताजा र खोजमूलक समाचार, विचार, विश्लेषण र अन्तर्वार्ता निरन्तर सम्प्रेषण गर्दै जानेछ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा कहिल्यै कसैसँग सम्झौता गर्ने छैन ।  अनलाइन पत्रिकाको रुपमा निरन्तर सुचना प्रवाहमा जागरुक रहन्छ ।

हाम्रो समुह

प्रकाशक  :मनोज कुमार मोरबैता
सम्पादक : मनोज बनैता
वरिष्ठ सल्लाकार : बिपी साह
वरिष्ठ सल्लाकार : श्रवण देव
वरिष्ठ सल्लाकार : सन्तोष जादब

सम्पर्क

सम्पर्क कार्यालय :जनकपुरधाम ( भानु चौक )
सम्पर्क : ९८४४५२०३२० ,९८०७७४९०००
ईमेल : [email protected]

Copyright © 2018-2021 News Madhesh