०६ जेठ २०८२, मंगलबार
20-05-2025 , Tue
×

रकम अभावमा अस्पतालमै छन निको भइसकेका बालक

Logo
प्रकाशित बुधबार, मंसिर २४, २०७७

रञ्जन भण्डारी
महोत्तरी , २४ मंसिर ।गत असोज १ गते मोटरसाईकलको ठक्करले घाईते भई विराटनगर स्थित विराटनगर अस्पतालमा उपचाररत साढे तिन वर्षिय वालक सरिफ अन्सारी अहिले निको भैसकेर घर फिर्ता हुने प्रतिक्षामा छन । तर अस्पतालको वक्यौता रकम तिर्न नसकेर उनी डिस्चार्ज हुन पाएका छैनन । उनको उपचार वापत परिवारले अस्पताललाई १२ लाख तिर्नु पर्ने छ तर पैसा नहुदा उक्त वक्यौक्ता रकम तिर्न सकिएको छैन ।

मोटरसाईकल ठक्करले बालकको मस्तिष्कमा चोट लागि रगत समेत जमेको,छातीको देव्रे भागमा गम्भिर चोट लागेको र कम्मरमा क्रयाक भएको अवस्थामा उनको सोहि वेला देखि उपचार हुदै आएको थियो । अस्पतालले दुई महिनाकै उपचारमा करिव १२ लाख खर्च भएको पत्र दिएको छ भने औषधीमा थप करिव ६ लाख गरि लगभग १८ लाख खर्च भएको छ । परिवारले करिव ६ लाख विभिन्न सरसापटी तथा घरजग्गा बन्धकी राखेर बुझाए तर अझै तिर्नु पर्ने रकम धेरै भएपछि परिवारले त्यती रकम कहाबाट ल्याउने भनि चिन्तित हुदै गुहार मांगेका छन ।

घाईते बालकलाइ ठक्कर दिनेको तर्फबाट हालसम्म कुनै सहयोग नभएपछि विचल्लीमा परेको परिवार आर्थिक सहयोगको लागि भौतारिनु परेको उनका काका मोहम्मद मुस्तफा अन्सारी बताउछन ।

जलेश्वर नगरपालिका वडा नं. ३ निवासी मोहम्मद मुर्तजा अन्सारीका छोरा सरिफको मुख र घाटीबाट अक्सिजन र खानाको पाईप हाल निकालिसकिएको र स्वास्थ्यमा पहिले भन्दा निक्कै सुधार भएपछि अस्पतालले वक्यौक्ता रकम तिरेर वच्चालाई डिस्चार्ज गरेर लग्न गत साता देखि नै ताकेदा गरिरहेपनि परिवारले रकम व्यवस्था गरेर बच्चालाई डिस्चार्ज गराउन सकेको छैन ।

बालकको वुवा हाल वैदेशिक रोजगारीमा मलेसियामा रहेकोमा उनले समेत कमाएको सवै रकम वच्चाको उपचारमा लगाईसकेको र अव त्यहाबाट समेत रकमको जोहो हुने सम्भावना न्युन रहेको वेला अस्पतालमा तिर्नु पर्ने बक्यौता रकम अभाव भएको हो ।

आर्थिक सहयोगको लागि मोहम्मद मुस्तफा अन्सारीको प्रभु बैंकको जलेश्वर शाखामा रहेको बचत खाता नं. ०६३०१५७७२६४०००१४ मा पठाउन सकिने छ । उनको मोबाईल नं. ९८१७६४२७८५ रहे
को छ ।

मेरो छोराको उद्धार गरिदिनुस ः बालकका आमा
बच्चाको आमा जरिना खातुन अहिले वच्चासंगै अस्पतालमा छिन । उनले आफ्नो वच्चालाई घर ल्याउन अस्पताललाई तिर्नु पर्ने रकम नभएपछि अस्पतालमै बन्धक सरह बस्नु परेको वताउदै सहयोगको याचना गरेकि छिन । वच्चा अहिले स्वस्थ्य भयो अस्पतालले मेरो वच्चालाई वचाईदियो । तर अस्पतालको पैसा आफुले तिर्न सकेको छैन,जरिनाले वताईन ।

बच्चालाई ठक्कर दिनेले गरेन सहयोग 
बच्चालाई आफ्नो मोटरसाईकलले ठक्कर दिई घाइते बनाएका जनकपुर उप महानगरपालिका किशोरी नगरका लोमश झा अहिले पुर्पक्षका लागि थुनामा छन । बच्चाको उपचारको लागि जिल्ला प्रसासन कार्यालयले रकम उपलब्ध गराउन निर्देशन दिएपछि रकम जम्मा नगरेपछि उनलाई थुनामा राखिएको हो । उनको ज८प १८९३ नंं.को मोटरसाईकलले वालकलाई ठक्कर हानेका थिए ।

कमेन्ट गर्नुहोस्
सम्बन्धित

सिरहा,१८ चैत्र: सिराहाको बरियारपट्टी गाउँपालिका वडा न.२ खोकसीमा कृष्ण मन्दिर निर्माण तथा भवन निर्माण कार्यको शिलान्यास भएको छ। आज एक कार्यक्रम बीच सिराहा निर्वाचन क्षेत्र नम्बर २ ( १ ) बाट निर्वाचित मधेस प्रदेश सांसद तथा भुपु भूमि व्यवस्था तथा कृषि राज्यमन्त्री संजय कुमार यादव द्वारा शिलानास भएको हो। मधेस प्रदेश सरकारको उद्योग , बाणिज्य […]

सिराहा : सिराहाको औरही ५ मा दीपक मलिकको घर भत्काइएको घटनाको प्रदेश सांसदद्वाय माननीय संजय कुमार यादव र जिवछी कुमारी यादवले संयुक्त रूपमा अनुगमन गरेको छ। अनुगमनका क्रममा घटनास्थलमै पुगेका उनीहरूले प्रदेश सरकारको तर्फबाट आवासको ग्यारेन्टी समेत गरेका छन्। मधेस प्रदेश सरकारबाट सञ्चालन हुने मदन भण्डारी आवास कार्यक्रम अन्तर्गत दुई कोठाको घर, किचन, बाथरूम लगायतको […]

सिराहा : धनगढीमाई नगरपालिका ८ सिराहामा तरकारी सङ्कलन केन्द्र तथा तरकारी बजारको लागि स्टल निर्माण कार्यको शिल्यानास भएको छ। जनमत पार्टीकी सांसद माननीय बिनिता कुमारी सिंह ज्यूको प्रमुख अतिथ्य तथा धनगढीमाई नगरपालिकाको नगर अध्यक्ष शिवशंकर महतोको उपस्थितिमा आज एक कार्यक्रम बीच उक्त कार्यको शिलान्यास भएको हो। सहरी विकास मन्त्रालय अन्तरगत सहरी विकास तथा भवन निर्माण […]