इजिप्टमा फोटोशुट गरेकाे कारण एक मोडल र फोटोग्राफर थुनामा बस्नु परेकाे छ । याे घटना केही सयमअघिकाे हाे ।
इजिप्टकाे राजधानी कायरोबाट ३० किलोमिटर टाढा रहेको साकारा नेक्रोपोलिस क्षेत्रमा पिरामिडको पृष्ठभूमिमा फाेटाेशुट गरिएकाे थियाे ।
ती फाेटाेहरू सामाजिक सञ्जालमा भाइरल भएकाे छ । जसका कारण इजिप्टमा सामाजिक बहस समेत भइरहेकाे छ ।
इजिप्टका मिडियाले ती मोडलका तस्वीरलाई ‘उत्तेजक र आपत्तिजनक’ भनेका थिए । कतिपयले ती मोडल र फोटोग्राफरको आलोचना गरेका छन् भने केहीले इजिप्टको प्रशासनको आलोचना गरेका छन् ।
उनीहरुलाई प्रशासनले गत सोमबार पक्राउ गरेको थियो । एक दिन हिरासतमा राखेर उनीहरुलाई मंगलबार छाडिएको त्यहाँका सञ्चारमाध्यमहरूले बताएका छन् । उनीहरुलाई ५ सय इजिप्सियन पाउण्ड धरौटीमा छाडिएको थियाे ।
फोटोग्राफर हौसम मोहम्मदले खिचेका तस्वीरहरुमा मोडल सलमा अल शिमी फरोहजस्ता देखिने परम्परागत गहना र घुँडामाथिसम्मको कपडामा देखिएकी छिन् ।