न्यूजमधेश डेस्क
जनकपुरधाम, १४ पुस। मुख्यमन्त्री लालबाबु राउतले बन अतिक्रमणमा संलग्नहरुलाई तत्काल कारबाई गर्न सम्बन्धित निकायलाई निर्देशन दिनु भएको छ।

उद्योग पर्यटन वन तथा वातावरण मन्त्रालयले आज बर्दीवासमा आयोजना गरेको प्रथम चौमासिक प्रगति समीक्षा गोष्ठी एवं सम्मान कार्यक्रमलाई सम्बोधन गर्नुहुँदै मुख्यमन्त्री राउतले विभिन्न वाहानामा भई रहेको वनअतिक्रमणलाई तत्काल रोक्न एवं अतिक्रमणमा संलग्नहरुलाई कारबाई गर्न मन्त्रालयका अधिकारीहरुलाई निर्देशन दिनु भएको हो ।,

सुकुम्वासीको नाऊँमा राजनीति संरक्षण प्राप्त हुकुमवासीहरु वन अतिक्रमण एवं फडानीमा अग्र पक्तिमा रहेको उल्लेख गर्नु हुँदै मुख्यमन्त्री राउतले वनको रक्षा गर्न जिम्मेवारी पाएका राष्ट्रसेवक कर्मचारी एवं सरकारका जिम्मेवार व्यक्तीहरुलाई किन्तु परन्तु गर्ने ठाँउ नरहेको बताउनु भयो ।

उहाँले भन्नु भयो ,‘ राजनीति संरक्षण प्राप्त भू माफियाहरु वन अतिक्रमण गर्दै आएका छन । त्यस्तालाई अविलम्ब कानूनको परिधीमा ल्याएर हदै सम्मको कारबाई गर्न यसै मञ्च बाट निर्देशन दिन्छु ।’

बर्दीवासमा पछिल्लो समयमा भएको वन फडानीको विषय उल्लेख गर्नु हुँदै मुख्यमन्त्री राउतले उक्त घटना बारे अविलम्ब छानविन गर्न वन सचिवलाई निर्देशन दिनु भयो ।

कार्यक्रममा सिरहा र रौतटह जिल्लामा अतिक्रमित वन क्षेत्रलाई पुनः वन मातहतमा ल्याउन महत्वपूर्ण भूमिका निर्वाह गरेका राष्ट्रसेवक कर्मचारीहरुलाई सम्मान समेत गरिएको थियो ।

पछिल्लो समयमा व्यक्तिको नाउँमा गैसकेको सिरहा चोहर्वाको तीन विग्घा र रौतहटको गुजरा नपमा १२० विग्घा जग्गा पुनः वनको नाउँमा ल्याइएको छ ।


हाम्रो बारेमा

ताजा र खोजमूलक समाचार, विचार, विश्लेषण र अन्तर्वार्ता निरन्तर सम्प्रेषण गर्दै जानेछ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा कहिल्यै कसैसँग सम्झौता गर्ने छैन ।  अनलाइन पत्रिकाको रुपमा निरन्तर सुचना प्रवाहमा जागरुक रहन्छ ।

हाम्रो समुह

प्रकाशक  :मनोज कुमार मोरबैता
सम्पादक : मनोज बनैता
वरिष्ठ सल्लाकार : बिपी साह
वरिष्ठ सल्लाकार : श्रवण देव
वरिष्ठ सल्लाकार : सन्तोष जादब

सम्पर्क

सम्पर्क कार्यालय :जनकपुरधाम ( भानु चौक )
सम्पर्क : ९८४४५२०३२० ,९८०७७४९०००
ईमेल : [email protected]

Copyright © 2018-2021 News Madhesh