न्यूजमधेश डेस्क
सुनसरी,७ माघ।सुनसरीको दुहवी-इनरुवा खण्डमा मंगलबार भएको सवारी दुर्घटनामा ३ जनाको मृत्यु भएको छ । सो दुर्घटनामा अन्य ८ जना घाइते भएका छन् ।
सुनसरी प्रहरीका अनुसार विराटनगरबाट राजविराजतर्फ जाँदै गरेको माइक्रो र विपरीत दिशामा रहेको मोटरसाइकल आपसमा ठोकिदा दुर्घटना भएको हो ।
प्रहरीले दिएको जानकारी अनुसार प्रदेश १–०२–००१ ज ३८६८ नम्बरको माइक्रोले को३४प ४६९४ नम्बरको मोटरसाइकललाई ठक्कर दिएको थियो । ठक्करपश्चात माइक्रो सडक किनारमा पल्टेको छ ।
दुर्घटनामा मोटरसाइकल चालकसहित तीन जनाको ज्यान गएको छ । सुनसरी प्रहरीका अनुसार मृत्यु हुनेमा मोटरसाइकल चालक इनरुवा ३ का बृख मण्डल र माइक्रोका सह– चालक सप्तरी घर भएका शंकरकुमार यादव रहेका छन् ।
मृतकमध्ये एक महिलाको भने पहिचान खुल्न बाँकी रहेको छ । उनीहरू सबैको उपचारको क्रममा ज्यान गएको प्रहरीले जनाएको छ । प्रहरीका अनुसार दुर्घटनामा परी ८ जना घाइते भएका छन् । उनीहरूको उपचार जारी छ ।
जनकपुरधाम उद्योग वाणिज्य संघको उपाध्यक्षमा साहद्वारा उम्मेदबारी घोषणा
कृषि ज्ञान केन्द्र कैलालीद्वारा कृषक समूहलाई पावर टिलर हस्तान्तरण
सिरहाको नरहा स्वास्थ्य शिविरमा ३२ को शल्यक्रिया
जनताको राज ल्याउन जनमत पार्टी जन्मिएको हो : डा राउत