३० आषाढ २०८२, मंगलबार
15-07-2025 , Tue
×

फोक्सोकै विकास नभएका बच्चाको ज्यान यसरी जोगाए डा. लव कुमार साहले

Logo
प्रकाशित शनिबार, माघ १०, २०७७

न्यूजमधेश डेस्क
जनकपुरधाम,१० माघ । जनकपुरधाम उप महानगरपालिका वडा नम्बर ९ आदर्श नगर निवासी प्रियंका कुमारी गर्भवती थिइन् । माघको अन्तिम साता उनको बच्चा जन्मिने तिति निर्धारण गरिएको थियो ।

उनको परिवार प्रसुतीका निम्ति तयारीमा जुटेका थिए । तर एक महिना अगाडि नै प्रियंकालाई दुखाई शुरु भयो । दुखाई सँगसँगै सालनाल पनि निस्केर रक्तश्राव हुन थालेपछि गत पुस २६ गते उनलाई काव्य अस्पताल ल्याइयो ।

अस्पताल ल्याइएपछि तत्कालै शल्यकृया गरी शिशु निकालियो । निकालिएका शिशु (छोरा) को स्वास्थ्य अवस्था भने खतरापूणर् थियो । साँस लिनै नसक्ने अवस्थामा रहेका बालक बाँच्छ कि बाँच्दैन भन्ने अवस्था देखियो ।
समय नपुगेर जन्मिएका ती बच्चालाई साँस लिन कठिनाई भइरहेका बेला उनको ज्यान चिकित्सकको सहयोगमा जोगिएको छ ।

३४ हप्तामै जन्मिएका बालकको फोक्सोको समेत विकास नभएको अवस्थामा साँस फेर्न गाह्रो थियो । ती बच्चालाइ भेन्टिलेटरमा राखेर उपचार गर्नुपर्ने अवस्था देखिएको थियो । तर, बाल रोग विशेषज्ञ डा. लव कुमार साहले शुरुदेखि नै उपचार गरेर बच्चाको ज्यान जोगाएका छन् ।

‘महिना नपुगेर जन्मिँदा साँस लिन समस्या हुन्छ । त्यत्तिबेला फोक्सोको विकास भएको हुँदैन्’ डा. साह भन्छन्, “त्यस बेला उनलाई भेन्टिलेटरमा राखेर उपचार गर्नुपर्ने अवस्था देखियो । तर न्यूनतम प्रयासमै बच्चा सामान्य अवस्थामा आएका छन् ।” डा. साहका अनुसार काठमाडौंबाट कृत्रिम साँस लिने सरफेक्टेन्ट मगाएर लगाएपछि न्यूनतम अक्सिजन र न्यूनतम मेसिनमै बच्चा सामान्य अवस्थामा आएका छन् ।

जन्मिएका बच्चाको तौल पनि २ किलो ३ सय ग्राम मात्रै थियो । जबकी जन्मिएको शिशुको तौल कम्तीमा अढाई किलोमाथि हुनुपर्दछ । तर, उपचार गर्दा तौल पनि सुधार भएको डा. साहले बताए ।

साहका अनुसार सामान्य अवस्थामा आइसकेको बच्चालाई शनिबार डिस्जार्च गर्ने तयारी भएको छ ।

खतरापूणर् अवस्था रहेको शिशुको ज्यान जोगाएकोमा शिशुका पिता विकास भारद्धाजले डा. साहलाई धन्यवाद दिएका छन् । ‘साँच्चिकै बच्चाको अवस्था धेरै खराब थियो’ उनले भने, “तर डा. साबले जोगाइदिनुभएछ । उहाँलाई धेरै-धेरै धन्यवाद छ ।”

कमेन्ट गर्नुहोस्
सम्बन्धित

सिराहा जिल्लाको धनगढीमाई नगरपालिका वडा नं. ८ ले हालै प्रकाशित २०८१ सालको SEE परीक्षाको नतिजा अनुसार श्री जनता माध्यमिक विद्यालय, कासहा बाट उत्तीर्ण भएका विद्यार्थीहरूलाई एक भव्य समारोहका बीच सम्मान गरेको छ। कार्यक्रमको उद्देश्य सामुदायिक विद्यालयप्रति समाजमा व्याप्त नकारात्मक सोचलाई हटाउँदै, सार्वजनिक विद्यालयलाई गुणस्तरीय शिक्षाको केन्द्र बनाउने रहेको बताइएको छ। सम्मान कार्यक्रममा सहभागी विद्यार्थीहरूलाई खादा, […]

सिराहा, औरही — औरही गाउँपालिकाले प्रत्येक आर्थिक वर्षमा दर्जनौं मोबाइल फोनहरू खरिद गरी जनताको करको पैसा अनावश्यक रूपमा खर्च गर्दै आएको तथ्य सार्वजनिक भएको छ। हालै सार्वजनिक भएको आर्थिक वर्ष २०८०/८१ को महालेखा परीक्षण प्रतिवेदनअनुसार गाउँपालिकाले ७ थान मोबाइल फोन खरिदमा ७,३०,२०९ रुपैयाँ खर्च गरेको देखिन्छ, जुन स्थानीय सरकार सञ्चालन ऐन, २०७४ र आर्थिक कार्यविधि […]

सिरहा,१८ चैत्र: सिराहाको बरियारपट्टी गाउँपालिका वडा न.२ खोकसीमा कृष्ण मन्दिर निर्माण तथा भवन निर्माण कार्यको शिलान्यास भएको छ। आज एक कार्यक्रम बीच सिराहा निर्वाचन क्षेत्र नम्बर २ ( १ ) बाट निर्वाचित मधेस प्रदेश सांसद तथा भुपु भूमि व्यवस्था तथा कृषि राज्यमन्त्री संजय कुमार यादव द्वारा शिलानास भएको हो। मधेस प्रदेश सरकारको उद्योग , बाणिज्य […]