न्यूजमधेश डेस्क
सिरहा,१० माघ।पूर्व–पश्चिम राजमार्जअन्तर्गत सिराहाको मिर्चैया नगरपालिका ५ जिबाखोलाको पुलनजिकै प्रेसर कुकरमा हातले बनाएर राखिएको विस्फोटक वस्तु (बम) इप्रोभाइज एक्सपोलिसिभ डिभाइस (आइडी) फेला परेको प्रहरीले जनाएको छ ।
शनिबार बिहान प्रेसर कुकरमा राखिएको अवस्थामा उक्त विस्फोटक वस्तु भेटिएपछि चोहर्वास्थित श्री शेर गणबाट नेपाली सेनाको डिस्पोजल टोली पुगेर डिस्पोज गरेको छ ।
उक्त विस्फोटक वस्तु कसले र के प्रायोजनको लागि राखेको हो भन्ने खुलीनसकेको प्रहरीले जनाएको छ । यस सम्बन्धमा अनुसन्धान भइरहेको जिल्ला प्रहरी कार्यालय सिरहाका प्रवक्ता डिएसपी शालिग्राम शर्मा पौडेलले जानकारी दिए । बम राखिएको हल्लापछि अवरुद्ध राजमार्ग पूर्ण रुपमा सुचारु भएको उनले बताए ।
