सिबेन्द्र रोहिता
जनकपुरधाम ,६ फागुन । प्रधानमन्त्री केपी शर्मा ओली समूहको नेकपाको युवा संगठन राष्ट्रिय युवा संघ नेपालका केन्द्रीय उपाध्यक्ष बनेपछि संजीब झालाई आफ्नो गृहनगरमा भव्य स्वागत गरिएको छ ।
युवा संघका केन्द्रीय उपाध्यक्ष चयन भएर आफ्नो गृहनगर जनकपुरधाम आएका उनलाई युवाहरुले स्वागत गरेका छन् । झालाई बिमानस्थलमै ५१ किलोको माला लगाइदिएर युवा तथा विद्यार्थीले स्वागत गरेका छन् ।
स्वागत गर्दै उनीहरुले ‘संजीब दाजु जिन्दावाद, हाम्रो नेता कस्तो छ, संजीव झा जस्तो छ, केपी ओली जिन्दावाद’ जस्ता नारा लगाएका छन् ।
झा हालै युवा संघको केन्द्रीय उपाध्यक्षमा चयन भएका छन् ।
उनलाई जनकपुरधाम विमानस्थलमा युवा संघका धनुषा अध्यक्ष राम उदगार यादव ,अनेरास्ववियुका जिल्ला अध्यक्ष आरपी अधिकारी ,दिनेश सिंह ,अभिषेक अग्रवाल,आनन्द झा ,नेपाल बाल संगठन धनुषाका सभापति रीयज साफी ,जानी खान ,मुन्जय राउतसहिका युवा नेताहरुले फूलमाला लगाएर स्वागत गरेका हुन्।
