न्यूजमधेश डेस्क
जनकपुरधाम ,१४ फागुन । पूर्व राष्ट्रपति डा. रामवरण यादवले सम्पूर्ण राजनीतिक दललाई लोकतन्त्र मजबुत बनाउन विधि विधान अनुसार आगडि बढन आग्रह गरेका छन्।
गान्धिवादी नेता महेन्द्रनारयाण निधिको ९९औँ जन्मजयन्तीको अवसरमा बोल्दै उनले भने, ‘राजनीतिक दलहरु विधि विधान अनुरुप चल्न नसकेकै कारण लोकतन्त्रमाथि पटक पटक प्रहार हुँदै आइरहेको छ।’
पूर्वराष्ट्रपति यादवले राजनीतिक पार्टीहरु आफ्नो विधि विधान अनुसार नचलेको कारण नेपालमा लोकतन्त्रमाथि आघात पुगेको बताए। उनले भने, ‘ कुनै पनि दल विधान अनुरुप चल्न नसकेको छैन। नेपाली कांग्रेस, कम्युनिष्ट पार्टी र मधेशवादी दलमध्ये कोही पनि विधान अनुसार नचलेकै कारण लोकतन्त्रको जग कमजोर हुँदै गइरहेको छ।’
पूर्वराष्ट्रपति यादवले जसरी निधि एउटै विचारलाई समातेर जीवनपर्यन्त लडिरहे त्यस्तै अगाडी बढी रहे भने नेपालको लोकतन्त्रले समृद्धि पाउने विश्वास व्यक्त गरे। उनले भने, ‘लोकतन्त्रको रक्षा गर्ने जिम्मा राजनीतिक दल, निर्वाचन आयोग, नागरिक समाजको हो। तर बिडम्बना अहिलेसम्म सबैमा राजनीति भित्रिएको छ। ‘
