न्यूजमधेश डेस्क
काठमाडौं ,२५ फागुन । नेपाल कम्युनिष्ट पार्टी (नेकपा) को आधिकारिकताबारे सर्वोच्च अदालतको फैसलासँगै नेपालको राजनीति थप तरंगित बनेको छ ।
संसद पुनर्स्थापनापछि केहि मत्थर बनेको राजनीति नेकपाको आधिकारिकता ऋषी कट्टेललाई दिने सर्वोच्चको निर्णयसँगै थप जटिल बनेको बेला जसपासँग सत्ता समिकरण गर्न नेकपा एमाले तयार रहेको बुझिएको छ ।
फागुन ११ गते संसद पुनर्स्थापना भएसँगै तत्कालिन प्रचण्ड नेपाल पक्ष नाम दिइएको नेकपाका अध्यक्षद्वय पुष्पकमल दाहाल प्रचण्ड र माधवकुमार नेपाल कांग्रेस, जसपा लगायतका दलहरुसँग सत्ता सहकार्य गरेर अघि बढ्ने भन्दै दौडधुपमा रहेका थिए ।
तर एकाएक नेकपाको आधिकारिकता कट्टेलको नाममा फैसला भएसँगै उनीहरु ९दाहाल९नेपाल० को उक्त दाउमा ब्रेक मात्र लागेको छैन, उनीहरुको दलसमेत अलग अलग भएको छ ।
सर्वोच्चको फैसलाले पूर्व एमाले र पूर्व माओवादी केन्द्र ब्यूँतिएको छ । जसअनुसार नेपाल पूर्व एमालेमा फर्किएका छन् भने प्रचण्ड पूर्व माओवादी केन्द्रका अध्यक्षका रुपमा रहेका छन् ।
पूर्व माओवादी केन्द्रले सरकारलाई दिने समर्थन फिर्ता लिने भएपछि यतिबेला एमालेहरु बहुमत पुर्याएर सरकार चलाउने खेलमा लागेका छन् । यसैक्रममा जनता समाजवादी पार्टी ९जसपा० सँग सहकार्य गरेर सरकार चलाउने विषयमा गृहकार्य भइरहेको बालुवाटारको उच्च स्रोतले जनाएको छ ।
हाल प्रतिनिधि सभामा नेकपा एमालेको सांसद् संख्या १२१, कांग्रेसको ६३, माओवादी केन्द्रको ५३, जनता समाजवादी पार्टीको ३४ सिट रहनेछ ।
जसमा एमालेका निर्वाचित ८० र समानुपातिक ४१ सांसद छन् । कांग्रेसका निर्वाचित २३ र समानुपातिका ४० सांसद छन् । माओवादी केन्द्रका निर्वाचित ३६ र समानुपातिक १७ सांसद छन् । भने जनता समाजवादी पार्टीका निर्वाचित २२ र समानुपातिक १२ गरी ३४ सांसद रहेका छन्।
एकिकरण पूर्णरुपमा बदर भएको भन्दै देशभरका पार्टी कार्यालयहरुमा नेकपाको झण्डा हटाउँदै एमाले र माओवादीको बोर्ड राख्न थालिएको छ ।
यसैक्रममा पूर्व एमालेको पार्टी कार्यालय धुम्बाराहीमा मंलगवार बिहान नेकपाको बोर्ड राखिएको छ । भने तत्कालिन माओवादी केन्द्रको केन्द्रीय कार्यालय पेरिसडाँडामा माओवादी केन्द्रको बोर्ड राखिने भएको छ ।
