कमलेश ठाकुर
जनकपुरधाम,३१ चैत्र । लामो समयपछि प्रदेश सभाको पाँचौं अधिवेशन शुभारम्भ भएको छ । सोमबार प्रदेश सभाको बाध्यात्मक बैठक बसेर अधिवेशनको शुभारम्भ भएको हो । कार्तिक ३ गतेको बैठक पश्चात स्थगित भएको प्रदेश २ को संसद बैठक पाँच महिना चार दिनपछि बसेको हो ।
बैठकको सुरुवात गर्दै सभामुख सरोज कुमार यादवले ६ वटा विधेयक प्रमाणीकरण भएको जानकारी दिए । प्रदेश प्रमुख राजेश अहिराजद्वरा सभामुख यादवका अनुसार प्रदेश अनुसन्धान ब्युरो २०७७, प्रदेश दुग्ध विकास बोर्ड, मधेश स्वास्थ्य विज्ञान प्रतिष्ठान, वन विधेयक, प्रदेश उद्योग विधेयक र बालबालिकाको हक अधिकार स्थापना र व्यवस्थापन गर्ने सम्बन्धमा बनेको विधेयक २०७७ प्रमानीकरण भएको बताए ।
बैठकलाई समबोधन गर्दै मुख्यमन्त्री लाल बाबु राउतले आउँदै गरेको नयाँ वर्ष २०७८ र मुस्लिम धर्मालव्मीहरुको रमजान पर्वको प्रदेश बासीलाई शुभकामना व्यक्त गरे । प्रदेशबासीको प्रगतीको कामना गर्दै प्रदेश सरकारले जिज्ञसा, गुनासोलाई आत्मसात गरेर सुधार गर्दै अगाडी बढ्ने उनले आश्वासन दिए । माधव कुमार नेपाल र झलनाथ खनाल पक्षबाट संसदीय दलका नेता बनेका शत्रुधन महतोले कोरोना महामारी पुनः बढ्न सक्ने अशांका व्यक्त गरे ।
लामो समयपछि बैठक बसेको प्रति अशंतुष्टी जनाउँदै प्रदेशमा ठुलो ठुलो घटना भएको बताए । ‘राती हैन, दिउँसै चोरी, डकैती भएको छ,’उनले भने, ‘तर, हामी मुक्दर्शक भएका छौं ।’ प्रदेश सरकारले जनताको शान्ति सुरक्षा गर्न नसकेको भन्दै बैठकलाई नियमित गर्न सुझाए । प्रदेश सरकार जिम्मेवारीविहिन भएको भन्दै स्थायी राजधानी र नमाकरण टङो लगाउन जोड दिए ।
सरकारलाई समन्व्यकारी भुमिका निर्वाह गर्न भन्दै समयमै सचेत हुन आग्रह गरे । प्रदेश सभा सदस्य शिव चन्द्र चौधरीले सरकारले योजना बनाए पनि कार्यनव्यन पक्ष निकै कमजोर रहेको समिक्षा गरे । मुख्यमन्त्री राउतप्रति संकेत गर्दै सातै प्रदेश भन्दा कमजोर र पछाडी परिरहेको बताए । नेपाली काँग्रेस संसदीय दलका नेता राम सरोज यादवले संसद विघटन घटना बारे बोल्दै संसदमै प्रहार हुँदा संस किन बोलाइएन ? प्रश्न गरे । मुख्यमन्त्री दलको नेताको हैसियले बोलेको कि मुख्यमन्त्रीको हैसियतले बोलेको अन्यौल रहेको बताए ।
प्रदेश अन्याय, अत्याचारमा एक नम्बर बनेको भन्दै कटाक्छ गरे । विकासको क्षेत्रमा लगानी नगरेको भन्दै सफाई अभियानमा मात्रै अर्बौ रुपयाँ लगानीको औचित्य नरहेको बताए । मुख्यमन्त्री स्वच्छता अभियानमा आवश्यकता भन्दा बढी रकम लगाइए पनि प्रभावकारी नभएको उनले गुनासो गरे । बैठक बैशाख १० गते सम्मको लागि स्थगित गरिएको छ ।
