जनकपुरधाम।प्रदेश न.२को आठवटै जिल्लाको अपराध नियन्त्रण गर्नको लागि कुकुर शाखा धनुषाको मिथिला नगरपालिका स्थित रहेको प्रहरी चौकी लालगढको परिसरमा स्थापना गरिएको छ।
प्रदेश २ अन्तर्गतमा रहेको सबै जिल्लामा भइ रहेको अपराध तथा अपराधिको गतिविधि न्यूनिकरण र नियन्त्रण गर्नका निम्ति कुकुर शाखा स्थापना गरिएको छ।सो शाखामा ४ बटा तालिम प्राप्त कुकुर राखिएको हो।कुकुरको प्रयोग प्रदेश न.२को सप्तरी देखि पर्सासम्मको जिल्लाहरुमा विभिन्न प्रकारका घटनाहरुको बारेमा अनुसन्धान तथा अपराधी क्रियाकलापमा संलग्न व्यक्तिहरुको खोजी कार्यमा प्रयोग गर्ने प्रहरीले बताए । त्यतिमात्र नभई बिष्फोटक पदार्थ, लागूऔषधको पहिचान तथा प्रमुख व्यक्तिहरुलाई कार्यक्रम स्थलमा सुरक्षाको लागि त्यही कुकुर परिचालन गर्ने प्रहरीले जानकारी दिएको छ।
