सिरहा : सिरहाको औरही गाउँपालिकालाई करार सेवामा भर्ना गर्न गरिएको बिज्ञापनको नतिजा सात दिन भित्र प्रकाशन गर्न जनमत पार्टीले ज्ञापन पत्र बुझाएको छ। गत २०७९/०९/०८ गते विभिन्न पदमा कर्मचारी भर्ना गर्न गाउँपालिका औरहीले बिज्ञापन गरेको थोयो। प्राथमिक , निम्न माध्यमिक र माध्यमिक गरि तिनै तहको लागि करिब ६९ जना स्वयंसेवक शिक्षक भर्ना गर्न बिज्ञापन गरिएको थियो। उनीहरुको परिक्षा अत्यधिक दवाव पछि २०८० बैशाख २८ , २९ र ३० गते लिइए पनि हाल सम्म नतिजा प्रकाशन गरेको छैन ।
जनमत पार्टी द्वारा गाउँपालिका औरहीको विभिन्न बिद्यालयमा गरिएको अनुगमनको क्रममा शिक्षक दरवन्दी अनुसार शिक्षक अपुग हुनुको साथै कतिपय बिद्यालयमा एउटा पनि शिक्षक नरहेको भेटिएको थियो। पालिकाले गरेको बिज्ञापन र लिइएको परिक्षाको नतिजा ननिकाली विभिन्न बहानामा आसेपासे र अयोग्य आफ्ना पार्टी कार्यकर्ताहरुलाई दैनिक ज्यालादारीको नाममा भर्ना गरि तलब खुवाउदै आएको प्रती जनमत पार्टीले आपत्ती जनाउनुको साथै महिनै देखि रोकेर राखिएको नतिजा सात दिन भित्र प्रकाशन नगरे आन्दोलनको कार्यक्रम सार्वजनिक गर्ने अल्टिमेटम सहित ज्ञापन पत्र बुझाएको जनमत पार्टीका नेता देव नारायण यादबले बताउनु भयो ।
एकातर्फ नतिजा पनि ननिकाल्ने र अर्को तर्फ पार्टी कार्यकर्ता भर्ना गरि काम पनि गराउनुले पालिकाको द्वैध चरीत्र देखिएको एक स्थानीय स्वयंसेवक शिक्षकका उम्मेदवारले बताए ।
अपुग शिक्षकका कारण पालिकाको शिक्षा अवस्था धारासायी बन्दै गएको छ। सामुदायिक बिद्यालय शिक्षाको मेरुदण्ड भएकोले यसलाई चुस्तदुरुस्त बनाउन आवश्यक छ ।
उता , गाउँपालिका अध्यक्षले कर्मचारी अभावका कारण काम गर्न ढिलाइ भएको बताउनु भयो। ढिला भए पनि छिटै प्रक्रिया अगाडि बढाइ नतिजा निकाल्ने वहाले बताउनु भयो।
