जनकपुरधाम ।डा.सीके राउत नेतृत्वको जनमत पार्टीले रुपन्देही जिल्लामा दोस्रो वडा अधिवेशन सुरु भएको छ।
शनिबार जिल्लाको मर्चवारी गाउँपालिका-१ मा पार्टीका निवर्तमान वडाध्यक्ष राजु यादवको अध्यक्षतामा राखिएको दोस्रो वडा अधिवेशन पार्टीका राष्ट्रिय सचिव भोपेन्द्र प्रसाद यादवको प्रमुख आतिथ्यमा सम्पन्न भएको हो।
अधिवेशनबाट मुनिलाल केवट दोस्रो कार्यकालको लागि निर्वाचित भएका हुन।उनका नेतृत्वमा वडा समिति गठन भएको हो।
सो वडा अधिवेशनमा जनमत पार्टीका कार्यकारिणी सदस्य रामकेश गुप्ता ,सम्मरीमाई गाउँपालिका इन्चार्ज रामाशंकर यादव, मर्चवारी गाउँपालिका- ६ का निर्वाचित अध्यक्ष रामसेवक खरविन्द र गुड्डो मौर्य लगायत नेता कार्यकर्ताहरुको उपस्थितिमा दोस्रो वडा अधिवेशन सम्पन्न भएको छ।
उक्त कार्यक्रम पूर्व वडासचिव मुकेश यादवले संचालन गरेका थिए।
