न्यूज मधेश,बारा।पंचवर्षिय गढीमाई मेलामा १५ हजार रांगाको बलि दिएको आयोजकले बताए ।मंगलवार दिनभर राँगाको बली दिईएको र आज बुधवार बोका, हाँस, कुखुरा, परेवा लगायतको बली दिईने मन्दिरका पुजारी मंगल चौधरीको जानकारी दिएको छ ।
मेला ब्यवस्थापन समिती श्रोतका अनुसार मंगलबार दर्ता भएका मात्रै ११ हजार राँगा बली दिईएको छ ।
‘मंसिर १ गतेदेखी हालसम्म ११ हजार राँगा बलीका लागि दर्ता भएका थिए । बधशाला बाहिर दर्ता बिनै काटीएका राँगाहरुको यकिन तथ्यांक नभएपनी जम्मा १५ हजार काटिएको अनुमान गरेको आयोजकले भने ।’ नेपालबाट मात्रै नभएर छिमेकी मुलुक भारतबाट पनि बली चढाउन आउनेहरुको संख्या उल्लेख्य छ ।
प्रत्येक पाँच वर्षमा एकपटक महागढीमाईको मेलामा मनोकामना पूरा भएपछि भाकलअनुसार यसरी राँगा, बोका, परेवा, मुसो, खरायो, कुखुरा लगायतको बलि दिन भक्तजनहरु मन्दिर आउने गर्दछन् । एक महिनासम्म चल्ने मेलामा बिशेषगरी बलि दिईने समयमा मन्दिर परिषरसम्म मानव सागर नै हुनेगर्दछ । बलिको पहिलो दिन मंगलबार मात्रै १० लाखले गढीमाईको दर्शन गरेको समितीका महासचिव मोतीलाल कुशवाहले जनाए । बलीको दोस्रो दिन आज बुधबार पनि सोही हाराहारीमा दर्शनार्थी आउने भन्दै उनले एक महिनाको अवधीमा एक करोडले दर्शन गर्ने अपेक्षा समितीले गरेको बताए ।
