मनोज बनैता/रासिन्द्र यादव
सिरहा, ३० जेठ । सप्तरी बलानबिहुल गाउँपालिमा लक्ष्मीनारायण मन्दिरको पुनर्निर्माण हुने भएको छ । मौवाहास्थित २५० वर्ष पुरानो लक्ष्मीनारायण मन्दिरको पुनर्निर्माण प्रधानमन्त्री रोजगार कार्यक्रम अन्तर्गत हुने जानकारी प्राप्त भएको छ ।
उक्त योजनाका रोजगार संयोजक निरज कुमार झा का अनुसार जिर्णोदारको निमित्त समिति गठन गरिएको छ । उक्त समितिमा निधि झा अध्यक्ष, बम कुमार मण्डल उपाध्यक्ष, माला झा सचिव, आशुतोष कुमार झा कोषाध्यक्ष लगायत जम्मा ६ सदस्य समिति बनाईएको जानकारी संयोजक निरज कुमार झा ले दिएका छन ।
संयोजक को अनुसार योजना मार्फत आएको १० लाख बजेटमा ७० प्रतिशत कामदार रोजगार सृजना, २५ प्रतिशत निर्माण सामग्री, २ प्रतिशत हाते औजार, २ प्रतिशत सुरक्षा सामग्री र १ प्रतिशत कन्टिजेन्सी को लागि छुट्ट्याईएको छ । झाको अनुसार रकम सडक, बगैंचा, रंगरोगन आदिको लागी खर्चिनेछ ।
