न्यूजमधेश डेस्क
काठमाडौं ,२४ माघ । एउटा नयाँ चलचित्रको छायांकनमा रहेका अभिनेता आकाश श्रेष्ठले चलचित्र छायांकनबाट समय निकालेर एउटा नयाँ गजलको भिडियोमा मोडलिङ गरेका छन् ।

उनले अभिनेत्री अभिनेत्री पूजा शर्मासँग नयाँ गजल ‘पुरानो घाउ‘’को भिडियोमा अभिनय गरेका हुन् । यो गजलको भिडियो बिहीबार रिलिज गरिएको हो । आधा दर्जनभन्दा बढी चलचित्रमा लगातार जोडी बनेका आकाश र पूजा यो भिडियोमा पनि युगल रूपमा प्रस्तुत भएका हुन् ।

भिडियोमा पूजालाई निकै आकर्षक तरिकाले तारिएको छ । गीतमार्फत गीतकारले प्रेमीले प्रेमीकालाई पुराना प्रेमका याद भुलाएर जिन्दगी नयाँ तरिकाले अगाडि बढाएर सुखमय बनाउन भिडियोबाट प्रेरणा दिइएको छ । यो गजल निकै कर्णप्रिय भएकाले आफूले मोडलिङ गरेको अभिनेता आकाशले बताएका छन् । केही महिनायताबाट जोडीको रूपमा अभिनेत्री पूजा र अभिनेता आकाशले थुप्रै गीतको भिडियोमा अभिनय गरेका छन् ।

यो गजललाई गायिका अञ्जु पन्तले गाएकी हुन् । गजल पुरानो घाउलाई चन्द्र प्रसार्इं ‘परिस्कृत’ले लेखेका हुन् । सन्तोष श्रेष्ठले संगीत भरेको गजल माधुर्य बनेको छ । गजल सुन्दा आनन्द लाग्छ । गजलमा विष्णु अधिकारीको एरेन्ज, विश्व अधिकारीको रेकडिङ, मिक्सिङ र मास्टरिङ छ ।

इनाक्षी इन्टरटेनमेन्टले निर्माण गरेको भिडियोमा देवेन्द्र पान्डेको निर्देशन, उत्सव दाहालको छायांकन, विकास दाहालको सम्पादन छ ।


हाम्रो बारेमा

ताजा र खोजमूलक समाचार, विचार, विश्लेषण र अन्तर्वार्ता निरन्तर सम्प्रेषण गर्दै जानेछ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा कहिल्यै कसैसँग सम्झौता गर्ने छैन ।  अनलाइन पत्रिकाको रुपमा निरन्तर सुचना प्रवाहमा जागरुक रहन्छ ।

हाम्रो समुह

प्रकाशक  :मनोज कुमार मोरबैता
सम्पादक : मनोज बनैता
वरिष्ठ सल्लाकार : बिपी साह
वरिष्ठ सल्लाकार : श्रवण देव
वरिष्ठ सल्लाकार : सन्तोष जादब

सम्पर्क

सम्पर्क कार्यालय :जनकपुरधाम ( भानु चौक )
सम्पर्क : ९८४४५२०३२० ,९८०७७४९०००
ईमेल : [email protected]

Copyright © 2018-2021 News Madhesh