काठमाडौ ,असार १२ गते।परिक्षा नियन्त्रण कार्यलय सानोठिमीले यस वर्षको माध्यमिक शिक्षा परीक्षा (एसईई) २०७५ को नतिजा बिहीबार अर्थात आज सार्वजनिक गर्ने भएको छ ।
कार्यालयले नतिजा प्रकाशनको लागि बिहीबार दिउँसो १ बजे राष्ट्रिय परीक्षा बोर्डको बैठक बोलाएको छ। कार्यालयले एसईईको नतिजा बुधबार प्रकाशन तयारी भए पनि पुनः परीक्षणमा नसकिएकाले नतिजा आज सार्वजनिक गर्न लागिएको हो । अन्य कुनै प्राविधिक कारण या बोर्डले फरक निर्णय नगरे नतिजा सार्वजनिक हुने छ।
विगतमा जेठ मसान्तदेखि असार एक दुई गतेभित्रै एसईईको नतिजा प्रकाशन हुने गरेको थियो। तर, यसपटक भने प्रदेश २ मा प्रश्नपत्र बाहिरिएर पुनः परीक्षा सञ्चालन गर्नुपर्दा र जनशक्ति अभावले नतिजा प्रकाशन गर्न ढिला भएको कार्यालयको भनाइ छ।
गत चैत १० गतेबाट सुरु भएको एसईई परीक्षामा नियमिततर्फ चार लाख ५० हजार एक सय ८६ र विगतको आंशिक गरी जम्मा चार लाख ७५ हजार विद्यार्थी देशभरबाट सहभागी भएका थिए।
एसईईको नतिजा सार्वजनिक भैइसकेपछी यसरी हेर्नसक्नुहुन्छ नतिजा !
