न्यूजमधेश डेस्क
जनकपुरधाम ,११ फागुन । प्रदेश नं २ का मुख्यमन्त्री लालबाबु राउतले सामाजिक रुपान्तरण प्रदेश सरकारको पहिलो प्राथमिकतामा रहेको बताउनुभएको छ ।
जनता समाजवादी पार्टी, मिथिला बिहारी नगर समितिद्वारा आज मिथिलाबिहारी नगरपालिका–४ रमौलमा आयोजित मस्जिद शिलान्यास तथा पार्टी प्रवेश कार्यक्रममा मुख्यमन्त्री राउतले राज्यको उपेक्षाको सिकार भई समाजमा पछि परेका वर्ग समुदायलाई मूलधारमा ल्याउन प्रदेश सरकारले सामाजिक रुपान्तरणको अभियानलाई अघि बढाएको बताउनुभयो ।
प्रदेश सरकारले सञ्चालनमा ल्याएको ‘बेटी पढाउ बेटी बचाउ’ र आरक्षणको व्यवस्थाले सामाजिक रुपान्तरण भई सदियौँदेखि विभेदमा रहेका वर्ग राज्यको मूलधारमा ल्याउने विश्वाससमेत व्यक्त गर्नुभयो ।
