न्यूजमधेश डेस्क
काठमाडौं,१९ फागुन।सरकार र विप्लव समूहबीच भएको पहिलो औपचारिक वार्ता सकिएको छ। प्रधानमन्त्री निवास बालुवाटारमै आज बिहान ९:१५ मा वार्ता सुरु भएको थियो।
नेपाल सरकार र नेत्रविक्रम चन्द (विप्लव)ले नेतृत्व गर्नुभएको नेकपाका वार्ता टोलीबीच पहिलो चरणको वार्ता आज बिहान सम्पन्न भएको छ। वार्ता सकारात्मक दिशाउन्मुख रहेको जानकारी गराउँदछु,ु वार्तापछि सरकारी वार्ता टोलीका सदस्य राजन भट्टराईले उल्लेख गरेका छन्।
विप्लव समूहले पहिलो वार्तामा प्रतिवन्ध फुकुवाको माग गरेको बताइएको छ।
वार्तामा सरकारका तर्फबाट गृहमन्त्री रामबहादुर थापा बादल र प्रधानमन्त्रीका परराष्ट्र मामिला सल्लाहकार राजन भट्टराई सहभागी थिए। विपल्व समूहका तर्फबाट खड्गबहादुर विश्वकर्मा ‘प्रकाण्ड’ र उदयबहादुर चलाउने ‘दिपक’ सहभागी थिए।
