न्यूजमधेश डेस्क
काठमाडौं,२७ फागुन । प्रधानमन्त्री केपी शर्मा ओलीले जनता समाजवादी पार्टी ९जसपा० का शीर्ष नेताहरुलाई छलफलका लागि बोलाएका छन् ।
प्रधानमन्त्री ओलीले सत्ता समिकरणका विषयमा छलफल गर्न जसपाका ५ शीर्ष नेताहरुलाई साँझ ५ बजे बालुवाटार बोलाएका हुन् । ओलीले बोलाएका नेताहरुमा महन्थ ठाकुर, उपेन्द्र यादव, डा।बाबुराम भट्टराई, राजेन्द्र महतो, अशोक राई रहेका छन् ।
आजको छलफलमा जसपाले प्रधानमन्त्री ओलीसँग रेशम चौधरीको रिहाइको मागसहित सत्ता समिकरणका विषयमा छलफल गर्ने निर्णय गरेको छ ।
साँझ प्रधानमन्त्रीलाई भेट्न जाने निर्णय भएको नेता महतोले जानकारी दिए । उनले भने, ‘हामीले सबै पक्षसँग छलफल गर्ने नीतिअनुसार प्रधानमन्त्रीलाई भेट्न जान लागेका हौँ ।’
यसअघि पनि जसपाले प्रधानमन्त्री ओलीसँग आफ्ना मागहरुका विषयमा छलफल गरिसकेका छन् । भने सत्ता साझेदारीमा जाने नजानेबारे आधिकारिक धारणा बाहिर ल्याइसकेको छैन् ।
