न्यूजमधेश डेस्क
काठमाडौं,१४ चैत्र । नेकपा एमालेको शक्ति संघर्षमा केपी शर्मा ओलीपक्षबाट अपमान सहँदै आएका वरिष्ठ नेता माधव नेपालमाथि आफ्नौ पक्षका दोस्रो पुस्तोको दबाब बढ्दो छ।
शुक्रबारको संसदीय दलको बैठकमा नेपाल पक्षीय नेता नेता योगेश भट्टराईले प्रधानमन्त्री केपी ओलीसमक्ष पहल पार्टीलाई एकताबद्ध राख्न पहलकदमी लिन आग्रह गरेका थिए।
नेपाल पक्षका नेता ओली पक्षको बैठकमा सहभागी हुनु र मिलेर जानै पर्छ भन्नुलाई सकरात्मक रुपमा हेरिएको छ।
ओलीले नेपाल पक्षलाई विभाजनका लागि बाटो खुला छ भनिरहेका छन्। तर, नेपाल पक्षीय दोस्रो पुस्ताका नेताहरु पार्टी फुटाउन नहुने पक्षमा देखिएका हुन।
नेकपा एमालेकी नेतृ रामकुमारी झाँक्रीले पनि दम्भ, अहंकार, घमण्ड, घृणा, तिरस्कार र अपमानको बैंस चढेको टिप्पणी गरेकी छन्।
एक ट्विट मार्फत उनले यसलाई पचाएर पार्टी बनाउने र बचाउने संकल्प आफूहरुको भएको बताएकी छन्।
सामाजिक सञ्जालमा उनले लेखेकी छन्,“दम्भ, अहंकार, घमण्ड, घृणा, तिरस्कार र अपमानको बैस चढ्दो छ। त्यसलाई पचाएर पार्टी बनाउने र बचाउने संकल्प हाम्रो हो।”
