कमल कुमार मण्डल,राजविराज ,असार १७ गते। सप्तरी जिल्लाको तिलाठी कोईलाडी गाउँपालिका-२ स्थित निर्माण गरिएको झोलुङ्गे पुललाई सोमबार उद्घाटन गरिएको छ ।वस्ती विस्तार हुदै जाँदा बिचमै खाँडो नदिले गर्दा स्थानिय बासिन्दाहरुलाई आवजावत गर्नमा निकै समस्या रहेको थिए। नदिमा आउने बाढिले गर्दा विद्यार्थीहरुलाई विद्यालय जान तथा स्थानियबासिहरुलाई समेत विभिन्न काममा समस्या खेप्नुपरेकाले पुल निर्माण भएपछि स्थानियबासिन्दाहरु खुसियाली भएको छ । कुल ६४ मिटर लम्बाई तथा २ मिटर चौडाई भएको झोलुङ्गे पुल विधिवत् रुपमा उद्घाटन गरिएको छ । झोलुङ्गे पुल निर्माण सहयोग एकाई ट्रेल ब्रिज सपोर्ट युनिट, बर्दिबासद्धारा ५४ लाखको लागतमा पुल निर्माण गरिएको हो । पुल निर्माण क्रममा योगदान पुर्याएका सहयोगीहरुलाई गाउँपालिकाको तर्फबाट प्रशंसा पत्र समेत प्रदान गरियो ।पुल निर्माणका क्रममा २०७५ पुष १० गते जेसिबिको चोट लागेर स्थानिय नारायण खंगको ज्यान गएकोले उनको स्मरण सदैव राख्नका लागी पुलको नाम ुखाँडो खोला नारायण झोलुङ्गे पुलु राखिएको हो । सोहि अवसरमा प्रमुख अतिथि गाउँपालिका अध्यक्ष सतिश कुमार सिंहले पुल निमार्ण गर्ने सम्पुर्णलाई धन्यवाद दिदै लौनियाँको पश्चिम तिर रहेको कृषि सडमा भलुवाहि नदिको बिचमा पुल निमार्ण गर्नका लागी आफु स्लैब सहयोग गर्ने पतिबद्धता जनाए । भलुवाहि नजिकै रहेको इट्टा भट्ठाका सञ्चालकहरुले इट्टा सहयोग गर्न त्यार रहेकोले गाउँपालिका तर्फबाट त्यसमा लाग्ने सम्पुर्ण स्लैब उपलब्ध गराउने उनले बताए । पुल निर्माण उपभोक्ता समितिका अध्यक्ष हरिदेव खङ्गको अध्यक्षतामा आयोजना गरिएको पुल उद्घाटन कार्यक्रममा प्रमुख अतिथि तिलाठी कोईलाडी गाउँपालिका अध्यक्ष सतिश कुमार सिंहले विधिवत रुपमा मैन बत्ती जलाइ, रिबन काटेर पुलको उद्घाटन गरेका थिए । कार्यक्रममा गाउँपालिका विपद व्यवस्थापन समितिका अधिकृत राजेश कुमार झा, सोहि वडाका अध्यक्ष खगेन्द्र मण्डल, सदस्य दिनेश कुमार मण्डल, श्रीराम मण्डल, समाजसेवी जिवछ मण्डल, श्यामकुमार मण्डल, गजेन्द्र कुमार खंगलगायत स्थानियबासिहरुको सहभागीता रहेको थियो । कार्यक्रममा स्वागत मन्तव्य प्रधानाध्यापक प्रदिप कुमार मण्डल तथा उद्घोषण कासिन्दर कुमार शर्माले गरेका थिए।
