न्यूजमधेश डेस्क
काठमाडौं,३१ बैशाख । जनता समाजवादी पार्टी (जसपा) को बहुमत सांसदहरुले संसदीय दलको नेतामा राजेन्द्र महतोलाई चयन गरेका छन्।
भक्तपुरको एक रिसोर्टमा बिहीबार बसेको जसपाका सांसदहरुको भेलाले महतोलाई संसदीय दलको नेता चयन गर्ने निर्णय गरेको हो ।
स्रोतका अनुसार २० जनाको हस्ताक्षरसहित महतो संसदीय दलको नेता चुनिएका हुन् । यता अध्यक्ष उपेन्द्र यादव, संघीय परिषद् अध्यक्ष डा। बाबुराम भट्टराई पक्षका सांसदहरुलाई भने यसबारे पत्तै हुन सकेको छैन् ।
बहुमत सांसदबाट राजेन्द्र महतो संसदीय दलको नेता चुनिएसँगै बाबुराम र यादवलाई भने तनाब हुने भएको छ । बिहीबारको बैठकमा अध्यक्ष उपेन्द्र यादव र संघीय परिषद अध्यक्ष डा। बाबुराम भट्टराई पक्षका सांसद उपस्थित नै भएका थिएनन् । तर, बहुमत सांसदले चयन गरेको हो ।
