श्यामसुन्दर यादव
राजविराज, असार २० गते। जन्मदिने आमा माथीनै छोराले खुकुरी प्रहार गरि आमाको ज्यान लिएको छ।सप्तरीको सुरुङ्गा नगपालिका वडा नम्वर– १ चहकाकी ६४ वर्षीया धनमाया पुलामीलाई विहीबार साँझ खुकुरी प्रहार गरी हत्या गरेको छ ।इन्सेक अनलाइनमा उल्लेख भए अनुसार हत्याको आरोपमा प्रहरीले ३४ वर्षिय छोरा रिठ्ठे भनिने जङ्गबहादुर पुलामीलाई पक्राउ गरेको हो । शवको नजिकै आगनमा दुवै हातमा खुकुरी लिएर उफ्रिरहेको अवस्थामा आरोपितलाई पक्राउ गरी गरी इलाका प्रहरी कार्यालय कडरबोनामा नियन्त्रणमा राखिएको सप्तरी प्रहरीले बताएका छ ।खुकुरी प्रहारबाट गधनसहित टाउको पछाडि तीन ठाउँमा र अनुहारमा दुई ठाउँमा काटिएको रक्ताम्य अवस्थामा धनमायाको शव फेला परेको छ । खुकुरी बोकेर धम्क्याई रहेको अवस्थामा आरोपितलाई गिरफ्तार गरिएको इलाका प्रहरी कार्यालय भेडियाका प्रहरी निरीक्षक प्रकाश बस्नेतले बताएका छन् ।मोबाइलमा रिचार्ज र घरमा खैनी सकिएको धनमायाले भनेपछि उनका पति ६५ वर्षीय लोकबहादुर पुलामी बजार गएको बेला छोराले नै आमाको हत्या गरेको लोकबहादुरले जानकारी दिएका छन् । शवलाई पोष्टमार्टमकालागि विहीबारै राति रामप्रसाद शारदा उमाप्रसाद मुरारका अस्पताल लहान पठाईएको छ ।जङ्गबहादुर मनोरोगी भएको आशङ्का गर्दै घर छाडेकी उनकी पत्नी एक छोरा र एक छोरीका साथ उदयपुरको रौतास्थित माइतमा छिन् ।
