प्रमोद कुमार / ओम प्रकाश साह,जनकपुरधाम : स्थानीय सरकार गठन भएको दुइवर्ष पुग्न लागेको जनकपुरधाम उपमहानगरपालिकाले पहिलो पटक मेयर कप प्रतियोगिता सुरु गरेको छ ।धनुषा जिल्ला खेलकुद विकास समितिको समन्वय र जनकपुरधाम उपमहानगरपालिकाको सहयोगमा मेयर कप गराउन लागिएको हो । प्रत्येक खेलमा प्रथम हुने टिमलाई ३० हजार दोश्रोलाई २० हजार र तेस्रोलाई ११ हजार नगद ट्रफी र प्रमाणपत्रसमेत प्रदान गरिने जनाइएको छ। सोमबारदेखि ६ सय २८ खेलाडीको सहभागितामा सुरु सो मेयरकप प्रतियोगितामा कराते, तेक्वान्डो, कबड्डी (पुरुष र महिला), भलिबल र फुटबल खेल आयोजना गरिने सोमबार एक पत्रकार सम्मेलन आयोजना गरी उपमहानगरले जानकारी दिएको छ। जनकपुर उद्योग वाणिज्य संघ महासचिवको संयोजकत्वमा हुने सो प्रतियोगिताको अन्तिम दिन प्रभातफेरी २५ गते बिहान ७ बजे तिरहुतिया गाछीबाट आयोजना गरिने जनाइएको छ।
