जनकपुरधाम।आफुहरुको रोजगारीको ग्यारेन्टी गर्नुपर्ने माग लिएर आन्दोलनमा रहेको अस्थायी शिक्षकहरुको धर्ना कार्यक्रममा प्रदेश २का मुख्यमन्त्री लालबाबु राउतले एेक्यवद्धता जनाएका छन ।
अस्थायी शिक्षक आन्दोलन परिचालन समिती प्रदेश २ का संयोजक धर्मेन्द्र यादवको नेतृत्वमा लगातार असार २० गते देखि प्रदेश २ को मन्त्री परिषद तथा मुख्यमन्त्री कार्यलय अगाडि धर्नामा बस्दै आएको थियाे ।
बुधबार छैठो दिनको धर्ना कार्यक्रममा प्रदेश २का मुख्यमन्त्री राउतले शिक्षकहरुसग कुरा गर्दै संघीय सरकारको षडयन्त्रकाे बिरोध गरेका थिए ।
मुख्यमन्त्री राउतले देशै भरिका अस्थायी शिक्षकको हकमा कानुनी सल्लाह गरेर छिटै समस्याको समाधान गर्ने प्रतिबद्धता जनाएका छन ।
