न्यूजमधेश डेस्क
काठमाडौं ,३ भाद्र । एमाले फुटाएर एमाले समाजवादी पार्टी गठन गरेको भोलिपल्टै माधवकुमार नेपालले प्रधानमन्त्री शेरबहादुर देउवा र माओवादी केन्द्रका अध्यक्ष पुष्पकमल दाहालसँग भेटवार्ता गरेका छन्।
नेता नेपालले प्रधानमन्त्री निवास बालुवाटारमा देउवा र प्रचण्डसँग सयुक्त भेटवार्ता गरेका हुन। उनीहरूबीच आधा घण्टा छलफल भएको बालुवाटार श्रोतले जनाएको छ।
देउवा, दाहाल र नेपालबीच बिहीबार विहान भेटवार्ता भएको प्रधानमन्त्रीका प्रेस संयोजक गोविन्द परियारले जानकारी दिए। नेपालवाचसँग कुरा गर्दै उनले प्रधानमन्त्री देउवा र अध्यक्षद्वयबीच समसामयिक विषयमा छलफल भएको बताए।
देउवा नेतृत्वको सरकारले राजनीतिक दल विभाजनसम्बन्धी अध्यादेश जारी गरेसँगै नेपालले एमाले फुटाएर एमाले समाजवादी गठन गरेका थिए ।
