प्रीन्स राज झा,जलेश्वर । लगातार वर्षाका कारण महोत्तरीमा दुई बालक नदिमा डुबेर मृत्यु भएको छ ।
केही दिन देखी लगातार वर्षाका कारण महोत्तरीको बजराही नदिमा पानीको बहाब उच्च भएको बेला दुई बालक नदी पार गर्न खोज्दा बाढीले बगाएर दुबै जना बालकको मृत्यु भएको जिल्ला प्रहरी कार्यालय महोत्तरीले जनाएको छ ।
महोत्तरीको जलेश्वर नगरपालिका वडा नम्बर ८ बजराही घर भएका रोहित चन्द्र ठाकुरका १२ बर्षिय छोरा प्रशान्त ठाकुर र उनकै भन्जा युवराज ठाकुरलाई नदीले दुबै जनाको मृत्यु भएको हो ।
मृत्यु भएका दुबै बालक मध्ये प्रशानत ठाकुरको सव सोमबार फेला परेको छ भने भान्जा युवराज ठाकुरको सव अहिले सम्मा फेला नपरेको परिवारजनले बताएका छन ।
मामा गाउँ आएका युवराज मामाका छोरासँगै जलेश्वर गइ रहेका बेला बजराही देखि जलेश्वर सडक खण्डमा रहेको बजराही नदीको पानीको बहाव उच्च भएर पार गर्न खोज्दा पानीले दुबैलाई बगाएर लगेको जिल्ला प्रहरी कार्यालय महोत्तरीले जनाएको छ ।
