न्यूजमधेश डेस्क
जनकपुरधाम,१८ पुष । जातिय राजनितिलाई आधार बनाएर देशको विभिन्न कालखण्डामा युद्धको अवस्था सिर्जना गरी सत्ताको उँचाईमा पुगेका जनता समाजवादी पार्टीका (जसपा) का अध्यक्ष उपेन्द्र यादवले पुनः एकपटक दलितहरुको नाममा देशलाई अराजकतातर्फ लैजाले वक्तव्य दिएका छन् ।

वर्ग व्यवस्थाले देशमा विभेद बढाएको भन्दै दलितहरुकोलागी आरक्षित निर्वाचन क्षेत्रको व्यवस्था हुनुपर्ने भन्दै यादवले पुनः एकपटक देशमा जातिय बिद्रोहको बिजारोपण गरेको बिश्लेषकहरुले बताएका छन् ।

शनिवार जनकपुरमा समाजवादी दलित मुक्ति संगठन नेपालको राष्ट्रिय भेलालाई सम्बोधन गर्दै अध्यक्ष यादवले मुलुकलाई समाजवादको दिशामा अग्रसर हुन वर्ण र वर्ग व्यवस्था अवरोधकको रुपमा रहेकोले त्यसको बिरुद्ध बिद्रोह गनुपर्ने बताएका हुन् ।

२०६३–६४ देखी मधेसमा जातिय आन्दोलनको बिजारोपण गरेका यादवले मधेस र मधेसीको नाममा राजनिति गरिआएका छन् ।

पछिल्लो समय मधेसभित्रै यादववादी राजनिति गरेर सत्ताको उँचाईमा पुगेका यादव आफ्नो पार्टीको नाम बाटै मधेस शब्द हटाएर मधेसभरी आलोचित छन् ।

प्रत्येक पटक सत्तामा पुग्न नयाँ–नयाँ हतकण्डा अपनाउन चतुर मानिएका यादव आउँदो निर्वाचनलाई लक्षित गर्दै दलितहरुको भोटबैंकलाई आफ्नो पक्षमा पार्न यस्तो अभिव्यक्ति दिएको मधेसका जानकारहरु बताउँछन् ।

पटक–पटक सम्पुर्ण जातका मधेसी समुदायको कुरागरी सरकार तथा राज्यको बिभिन्न निकायमा प्रतिनिधित्व गर्नेबेला यादव जातीलाई मात्रै स्थान दिएका उपेन्द्रलाई गैरयादव मधेसीहरुले एकाएक उनको सांथ छोड्नथालेपछी दलितहरुलाई झाँसामा पार्नखोजेको आम मधेसी नागरिकको बुझाई छ ।

मधेस मामिलाका जानकार तथा मधेसी नागरिक समाजका संयोजक गणेश कुमार मण्डलले उपेन्द्रलाई एकल जातिय आतंकवादको पृष्टपोषक भएको बताएका छन् ।

मण्डलले भनेका छन् ‘दलित लाई आरक्षित निर्वाचन क्षेत्र चाहिन्छ भन्ने गफाडीको गफ धेरै भयो । उपेन्द्र यादवले २०६४ साल देखि अहिलेसम्म आफ्नो जात बाहेक कुन दलितलाई केन्द्रिय मन्त्री र प्रदेश सरकारमा मन्त्री बानाए ?, अब मधेशमा कुनै बहानाबाजी चल्ने छैन सिर्फ जातीय आतंकवाद र जंगली राज्य बाट मुक्ति चाहिन्छ ।’

नेपालको संबिधानमै दलितहरुलाई निर्वाचन, शिक्षा, रोजगार लगायत विभिन्न निकायहरुमा आरक्षणको व्यवस्था गरिसकेको अवस्थामा कुनैवर्गलाई लालच दिएर बिद्रोहमा होमिन प्रेरित गर्ने उपेन्द्र यादवको वक्तव्य देशैभरी आलोचित भईरहेको छ ।

नागरिकले उपेन्द्रको पछिल्लो अवस्थामा देखिएको यादववादबाट बिक्षिप्त जसपाका गैर यादव नेता तथा कार्यकर्ताहरुले धमाधम पार्टी छोड्न थालेपछी उनी दलितहरुलाई फकाउन उद्दत रहेको बताएका छन् ।नेपाली पब्लिकबाट लिएको हो।


हाम्रो बारेमा

ताजा र खोजमूलक समाचार, विचार, विश्लेषण र अन्तर्वार्ता निरन्तर सम्प्रेषण गर्दै जानेछ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा कहिल्यै कसैसँग सम्झौता गर्ने छैन ।  अनलाइन पत्रिकाको रुपमा निरन्तर सुचना प्रवाहमा जागरुक रहन्छ ।

हाम्रो समुह

संचालक  : मनोज कुमार मोरबैता
सम्पादक : मनोज बनैता

वरिष्ठ सल्लाहकार : बिपी साह
वरिष्ठ  सल्लाहकार : श्रवण देव

वरिष्ठ  सल्लाहकार : मोहन सिंह
वरिष्ठ  सल्लाहकार  : सन्तोष जादब

सम्पर्क

सि . एन . ए . मिडिया नेटवर्क प्रा.लि.

जनकपुरधाम , धनुषा ( नेपाल )
सम्पर्क : ९८४४५२०३२० ,९८०७७४९०००
ईमेल : [email protected] , [email protected]

Copyright © 2018-2022 News Madhesh