न्यूजमधेश डेस्क
जनकपुरधाम,७ माघ।किसान आन्दोलनको क्रममा पक्राउ परेका जनमत पार्टी धनुषा अध्यक्षसहित तीन जना रिहा भएको छ।
रिहा हुनेमा जनमत पार्टी धनुषा अध्यक्ष ओम बिक्रम कुशवाहा,जिल्ला सहसचिव नवीन पण्डित र जिल्ला सदस्य चन्द्रकिशोर साह रहेको छ।
रिहा हुनलगतै जनमत पार्टीका नेता कार्यकर्ताहरुले अध्यक्ष कुशवाहा,सहसचिव पण्डित र जिल्ला सदस्य साहलाई फुलमाला र अबिर लगाएर स्वागत गरेको छ।
उनिहरुलाई धनुषाको बिरेन्द्रबजारबाट आन्दोलन गरेर घर फर्किरहेको बेलामा प्रहरीले पक्राउ गरेर हिरासतमा राखेको थिए।
जिल्ला अदालत धनुषाको आदेशपछि उनिहरु साधारण तारीखमा रिहा भएका हुन ।पक्राउ परेको १९ दिनपछि आज रिहा भएको हो।
