काठमाडौ ।टिकापुरका युवाहरु काठमाडौको माइतीघर मण्डलामा सांसद रेशम चौधरीलाई बचाउ माग गर्दै
बुधबार धर्नामा बसेका थिए।
उनिहरु माननीय रेशम चौधरी बचाउ अभियानको ब्यानर लिएर आज माइतीघर मण्डलामा ‘माननीय रेशम चौधरी निर्दोष छ भन्दै त्यसको प्रमाण ३४३४१ भोटर साक्षी छन्,’ अभियानका संयोजक टीकापुर चौधरीले भने, ‘त्यसकारण उहाँलाई बिनासर्त रिहाई गर्नुपर्छ।’
उनले माननीय रेशम चौधरीको पार्टी राजपाले पनि उहाँको मुद्दामा चासो नदिएको आरोप लगाए। थारुको मत पाएर राष्ट्रिय पार्टी बनेको राजपा नेतालाई उनले भने, ‘थारुको मत पाएर राजपा राष्ट्रिय पार्टी बन्यो, अहिले थारु जनप्रतिनिधिलाई नै हेला गर्ने? यस्तै हो भने हामीहरु अब राजपाविरुद्ध आन्दोलनमा उत्रिन्छौं,’ उनले भने।राजपा नेताहरुलाई भेटेर दबाब दिने उनीहरुको योजना रहेको संयोजक चौधरीले जानकारी दिएको छ।
